Chin Ram Ah Bomb Tarhmi In Minung 33 Nunnak A Liam Cang

SAC Nih Uknak An Laak Kum 3 Chung Ah Bomb Tarhmi In Chin Ramkulh Ah Minung 33 Nunnak A Liam, 52 Nih Hliam An Tuar, Kum 2021 in 2024 February thla tiang SAC ralhrang nih uknak an laak kum 3 chung in Chin ramkulh chungah vulei tang tarhmi bomb ruangah minung 33 nunnak a liam i, 52 nih hliam an tuar, tiah CHRO nih a langhter. SAC ralhrang bomb tarhmi ruangah nunnak liammi hna lak ah ngakchia 5 naak tlawmlo an i tel 4 leng nih hliam an tuar, tiah theih a si.

SAC nih uknak an laak kum 3 chung in CHRO nih nunnak liammi cazin a langhter ning cun Chin ramkulh chungah bomb tarhmi in minung 33 nunnak a liam, midang 52 nih hliam an tuar” tiah a langhter. Thawng dang relchap- SAC Nih Tuah Timh Mi Thimnak Ah Mipi I Tel Lo Ding In KIO Chairman Nih Ralrin Peknak Bia A Chim, SAC an nawlngeihnak pehzulh in a hmunh khawh nakhnga kum 2008 phunghrampi chirhchan in thimnak tuah an timh mi ah i tel lo ding in le miphun pakhat le pakhat kar buainak a chuahter khotu Pyituhsit cawlcanghnak ah mipi i tel lo ding in.

Nizan February 5, Kachin dohthlennak kum 63 tlin camtuak an tuah mi biachimnak ah Kachin Independence Organisation (KIO) Chairman, General N’Ban La nih a chim. SAC an sungh hnu zong ah phu khat le phu khat kar ah buainak a chuak kho mi a si caah SAC ralkap a dohtu phu khat le phu khat kar ah lung i khahnak le lung i hmuhthiamnak cu a herh ngaingai mi a si i, SAC ralkap nawlngeihnak a um ti lo hnu ah daihnak a chuah khawh ṭhan nakhnga ram mi dihlak nih ṭuanvo kan ngei cio, tiah General N’Ban La nih cun a chim.

Kachin Independence Organisation (KIO) zong SAC ralkap a dohtu phu vialte he tonbiaruahnak kan ngei i, hriamtlai in kahdohnak ah aa tel mi phu hna he a herh ning in tonbiaruahnak ngei kho peng ding in timhlamhnak kan ngei. Cu pin ah a sung cuahmah mi SAC ralkap nawlngeihnak a dongh sin in mipi humhimnak, zalong tein khuasaknak le phungning tein i ukhruainak hna cu papek in kan kalpi hna lai, tiah KIO Chairman nih cun forhfialnak a tuah.

Pau dohthlen caan chung ah tualchung hriamtlai phu le mipi lungrualnak, ṭanrualnak thawng in hramhram nawlngeihnak a dihdongh deng cang caah SAC hruaitu hna le SAC ralkap pawl zong an lung a zor ning cu zapi nih hmuh khawh a si ko, tiah General N’Ban La nih cun a chim chap.

Leave a Comment

Leave a Reply

Your email address will not be published. Required fields are marked *