Thawng pang tha cang ti lio ah thawng chia nih a rak kan zulh doi hoi cawlh ko a poi ko. Hakha siizung pi ah tu lio zawtnak covid-19 in a zawt mi case 232 cu july 6 nii ah hakha sii zung pi nih chuah nak nawl an pek cang. Chin ramkulh chungah covid-19 zawtnak a um ti lo tiah Chin ramkulh Social Minister Pu Pau Lun Min Thang nih RFA ah a chim.
Kawl ram ah tu lio zawtnak covid-19 zawtnak a ngei hmasa bik mi a rak umnak Tedim khuapi siizung ah covid-19 zawtnak a ngei mi hna minung 7 tiang an rak um. Hakha sii zung pi ah minung pakhat a rak um, cun Min Tat le Thantlang zong ah minung pakhat cio an rak um ve. Chin ramkulh chungah zawtnak a ngei mi minung 10 hna cu an inn cio ah dam te in an tin dih cang.
Tu ban tuk in kan chinram ah tulio vawlei cung a hnin in a hnin mi tthit nung pulrai zawtnak covid-19 cu a dih thiang cang tiin mipi hna ngam ngaingai in um cio a si lio ah, India ram in a rak lung mi hngakchia kum 6 pa te sin in covid-19 pul tlangrai zawtnak cu hmuh tthan a si.
Tutan covid-19 zawtnak an hmu mi kum 6 hngakchia pa te hi india ram in a ral tlung mi a si i Tonzaang khua ah khumh erh mi a si. Hngakchia pa te cu tu hi Tedim siizung ah an zohkhenh an thlopbul lio a si.
Leave a Reply