Chin Ram NLD Candidate Cazin An Thanh Cang

Chinram NLD candidate cazin an thanh, EC thim ning tein Pi Ni Sui Lian le Pu Sui Thio zong an i tel ko. Pu Tial Ling le Pu Zo Bawi belte an hmunhma an thlen hna, Pu Zo Bawi hi Pyithu in aa cuh than lai, Pu Tial Ling hi Pyine in aa cuh ve lai.

Pu Zo Bawi hi Hakha peng dihlak a huapmi Pyithu Hluttaw ah aa cuh lai caah a har pah lai, zuamcawhtu ah a thawng bak vemi Pu Ngun Maung le Pu Robin an si. Crd; Salai LTT. Ca dang rel duh mi caah,Chin State Caah Independent Candidate ka hmuh ning, Chin State cu a dang tlangcung miphun hna hmai ahcun milu kan tlawm deuh ngai.

 

Kan milu a tlawm ngai nain parties belte cu a tam ngai ngai than. Hi bantuk dirhmun ah Independent in ai cuh ding minung an vun um chinchap ahhin cun ” ram riah ve tung i sakah” loin inn lei tlung a fawi te. Vote a pek kho tu ding minung kan tlawm deuh caah kan mee a vaivuan kho men.

Independent in ai cuh ding mi hna cu party chungah an um lo caah biatak tein an ” quality” zoh bak an ahau cang. Tahfung zong tha tein kan hman piak hna an hau ko lai. Tahchunhnak ah” politics, social economic, community development, communication, le a dang dang tampi skill an ngei a hau. Cun, Chin ram caah zei bantuk thil dah an rak tuah bal mi um, hmailei ah teh zei rian le thil dah an tuah kho te lai timi zong ruah piak chih an hau ko.

Chin State chungin Independent ah teinak arak hmuh bal mi hna Pu Lian Uk le Dr. Hmun Thang hna pahnih kan zoh hna ahcun ” quality” a tha veve bak mi an rak si. Ramkhel rian le social economic ti bantuk hna le bang ahcun an za bak cu caah mipi nih an rak tling ter ve fawn hna. Atu lio dirhmun in kan chim ahcun Dr. Sasa lawng hi Independent in i cuh sehlaw teinak a hmu ding a si tiah kei nih cun ka ruah.

Chin State chungin mi dang nih atu lawlawseh caah cun Independent in i cuh ve hi cu an tling kho deuh rih men lai lo ( a ruang tampi um), Dr. Sasa bantuk minung tu hi a herh ti ahcun mipi nih a fial hman in fial phu an si. A tling bak ve lai, thil tampi a tuah kho rih fawn lai. A tling ahcun CNLD, CNF/A le Chin mipi hna he zong rian biatak deuh in a tuan kho chin chin lai. crd; Bawi Hlei Hu.

Leave a Comment

Leave a Reply

Your email address will not be published. Required fields are marked *