Chin Ram Tap Ti Hlah Timi CNLD Hla Music Video Muithlam Hmuh A Si Than Cang

Tukum Kawlram thimnak cu a sunglawi khun ko. A caan ahcun hlasak zuamnak hna a lo pah cang. A ruah hlan ah Kawlram minthang hna nih sakmi Kan Nu Chin Ram Tap Ti Hlah timi hla a chuak zau lai tiah Chin National League for Democracy i an official Facebook page nih a tarlangh.

Cu hla a satu ding hna cu Kawlram hlasak thiam minthang Salai David Lai, Salai Aik Shein, Mai Jenevy Sui le Mai Nilen Par Mawi hna nih hlasak an thiamnak le an awthatnak vialte chuak in an sal lai. Harmony ah Saya Nay Linn Htun le a phu pawl zong an i tel ve te lai tiah theih a si.

Cu hla phuahtu cu Salai Tawna a si. Salai Tawna hi Chin ramkulh he aa pehtlaihmi hla tampi a phuahtu a si i Kawlram chungah a lar takmi Vokok hla tiah theihmi Tlangcung Zupu tlum hraikhat te na din ahcun na thabatnak vialte a dam dih lai timi hla a phuahtu zong si.

Cu hla cu Kawlram mi nih Chin nunphung an kan theihnak hla ti zong in catialtu nih cun a hmuh ning a si. Tutan Chin Ram Tap Ti Hlah timi CNLD mee kawlnak hla caah music tumtu cu Chorus Band an si lai i Promise Land Studio nih an aw an tun te lai.

Hi music video tawreltu ah Salai Kyaw Moe a si lai i Sound Engineering ah Khup Khup a si lai. Mixing cu Piang Pi a si lai. Video & Editting cah MOM Production an si te lai. Hla phuahtu hi hlaphuah thiamtakmi a si pinah music tum tu hna le hlasaktu hna zong a thiammi lawng te an si tikah a chuak lai ngaih a um bak ko.

Kawlram minthang Chin mino hlasakthiam vialte hna cungah CNLD nih an lunglawmhnak le an upatnak le thlaza an campiaknak zong an facebook page in an langhter. Vote CNLD, CNLD nih teinak hmu ko seh.

Source: Chin National League for Democracy

Leave a Comment

Leave a Reply

Your email address will not be published. Required fields are marked *