Chin Ramkulh SAC Nih Tender A Auh Mi Hakha City Hall Le Thantlang Town Hall Sa Ding In A Sok I A Hmutu Cazin A Puang (Lang)

August 23, Chin Ramkulh SAC nih tender a auh mi Hakha City Hall le Thantlang Town Hall sa ding in a sok i a hmutu cazin a puang (lang), Chin company pakhat zong aa tel tiah kan theih. Hi tender an auh mi hi 2021-2022 tangka kum budget in sak timh mi a si, tiah kan theih.

Chin company khi aa hloh/hnawh ruang ah aho company ti cu a fiang lo nain Hakha hrambunh company pakhat a si. Cun, Aroma Rose company khi NLD cozah chan ah Chin Ramkulh Hluttaw zung le a pawng um Mangtha Khualriahbuk (Yeiktha) a rak satu company an si,” tiah minung pakhat nih The Hakha Times ah a chim.

Hakha City Hall (Myodaw Khanma) ca ah nuai 701.910 (sing 7010) man a si i RC dot 2, pe 100’x60′ in an sak lai. Cun, Thantlang Town Hall hi nuai 705.780 (sing 7050) a si i RC dot 2, pe 100′ x 60′ in sak a si lai, tiah theih a si.

Hi tender kong ah Hakha G-Z hna nih, “SAC nih a auh mi tender sok lo ding le a sok i a hmucia mi zong nih tuan hrimhrim lo ding,” tiin Hakha Campaign for Justice facebook cahmai ah ralrin peknak an rak langhter bal.crd- the hakha times

Thawng dang: Myanmar Embassy ah Ralhrangbu nih Thlahmi Palai 2 Visa An Pe Duh Hna Lo Japan nih Tokyo,Myanmar Embassy ah Ralhrangbu nih Thlahmi Palai 2 Visa An Pe Duh Hna Lo. Japan khuapi Tokyo, Myanmar Embassy caah ralhrangbu nih riankhinh mi palai hna cu Japan nih an ram luhnak nawl a pe duh hna lo tiah Tokyo news nih a tial.

Tokyo, Myanmar embassy riantuan 2 U Aung Soe Moe, secretary 1 le Secretary 2 hna cu ralhrangbu nih uknak a lak duh lo in CDM an tuah ruangah ralhrangbu nih an rian in a phuah hna i, an aiawh a khinhmi hna cu ralhrangbu nih Japan sin ah an ramchung luhnak nawl a hal.Ralhrangbu nih rian a pek mi hna pahnih cu kan ram kan luhter a si ahcun ralhrangbu kan pom ti nak a si lai caah kan ruah lio a si.

Mah chungah ralhrangbu nih rian in an phuah mi hna pahnih hna riantuannak cu Japan nih kan cohlan rih ko tiah an ti.Ralhrangbu nih CDM a tuah mi embassy riantuan pahnih hna cu an rian le an passport hna cu kan hlawnh piak cang hna ruangah an document hna cu pom piak ti lo dingin Japan foreign ministry sin ah March thla ah khan ca a kuat.

Asinain,Japan nih ralhrangbu cawlcanghnak a duh lo mi Japan embassy riantuan pahnih hna cu an ramchung umnak nawl a pek hna lengah palai bantukin rian an tuan khawhnak caah a herh mi vialte a tuah piak dih cang hna tiah kyoto news nih a chim.Japan hi ralhrangbu nih nawlngeihnak a lak hnuah tlaih mi Daw Aung San Suu Kyi le tlaihmi vialte thlah colh dingin a hal mi ram pakhat a si. Crd- the chin post