Chin Rankulh Ah Airport 9 Kan Ngei Ahcun Zarhpini Pumh Tlolhnak Hmanh A Si Kho

Chinram myone kip ah kip ah Airport pakhat cio tuah khawh cu a tha tuk hen ta. Chinram ah Airport a tlawm bik 9 kan ngei lai va si kaw, mah Airport 9 ah a zuang dingmi Vanlawng hi Kawlram dirhmun in hei tuak ko hmanh uhlaw phiangkum ah voikhat te hi a zuang ter lai.

Cu hmanhah Bawi pawl khualtlawnnak si lai i Zarhpi ni ah pumh loìn don hau phun in an rak tlung hoi lai. Chinram ah Airport 9 an ngeih tiin vanlawng belte a man a fak caah aa cit kho an um tuk lo i khualtlawn an tlawm ti si lai. Kan min cu a ngan deuh ving lai nain an kan nihsawhnak tu ah a cang kho.

Cucaah tulio dirhmun im Myone kip ah Airport tuah cu “Kum 5 a si rih mi kan fa kha kum 30 a si tikah aa hruk awk vaa i cawkpiak cia” he aa lo.  Ngeih cu a tha nain Airport 9 le a santlai le thatnak kha tuak chih a hau.

Mah Airport tuah khawhnak le fimthiamnak le Vanlawng khal thiam le Engineer an chuah khawh nakhnga tu ah fimthiamnak hrampi kan remh a hau.

Catialtu Salai Pa Thawng

A dikmi Federal Democracy in kan kal ahcun mah holh tein cacawnnak le mahte khuakhan lairelnak kan hmuh lai i fimthiamnak kha biarak in reform kan tuah ahcun Airport 9 nakin man a ngei deuhmi kan i chuah kho.

Airport ngeih a tha i kan duh ko nain Chin Mipi nih kan herh bik a phi chuah le kan chambaunak kha kan remh hmasat ahcun Airport ah Pilot he Aircraft Engineer he Chinram ah kan hung chuah caan a phan te ko lai.

Credit: Salai Pa Thawng

Leave a Reply

Your email address will not be published. Required fields are marked *