The Hakha Times nih ramkhel biaraldohnak an tuahmi ah Halkha le Thantlang pengin NLD ticket in candidates zong an sawm ve ko hna nain cunglei nih an kan sianhlo e an ti ti si. NLD cu Napyidaw in fekttup hri in an hun hren/khih manh hna. Chinram MP ttuan lio hna nih anmah nawl in Arte kekiak hmanh an that ngam lo e ti lengmang mi ah,a rak zumlo nih nan hun fiang khun lai dah?
Chinram ah Candidate aa cuh dingmi, cuka an i cuhnak ding hmun hrambunh simi Cozah sinah registered tthate tuahmi Media sinah va tel uh, va tel hlah uh tiah Napyidaw in an chaakhri an hun tlaih hna cu a poituk. Zalonnak an neihmi pakhat, Kawl lei an pi/pu nih an chuh manh hna.
Cucaah tutan Media tonnak hmanhah an sianh hna lo tikah an itel ngam lo, cunglei kan pi/pu le nih an kan sianh lo an ti bak ko. Cucaah Chinram kongah anmah nawl in nawl a tlu kho lo ti kha a fianter tuk. Kawl lei an pipu hna nih No an ti le No, Yes an ti le Yes si ko mi ah cucu, khakha tiah an rak in kamhmi hna an in pek khawh lo hna kha, Nan aiawh MP nu/pa kha a mawh lo, amah nawl in zeihmanh tuah angah lo bia tu a rak si.
Napyidaw lei NLD upa nihcun Chinram, Lairam kong hmanh atheih dih lo lio ah zeitin nan khua, pengtlang cu ahun theih khawh fam hnga mu. Cu nan pengtlang, khua caah palai nan thimmi MP nu/pa nih nawl angei kho fawn lo, nawlneitu cu, rilikam ah an um tikah nan rak voted mi MP hna kha an lungrethei tuk ve ko. Thla dih-kaa bel ahcun tlawmpal an thawhchuah rem deuh bia.
Chinram NLD ticket in MP hna hi Chinmi an siko tikha a fawite. Chinmi an si caah pei Pu/Pi, Salai/Mai an i ti fam. Nain mah vial te an tawhfang atlaitu cu Napyidaw an pi le pu an si cuta mu Cucaah an duh tik paoh ah tawh an hrenh peng ti kha fian a herh tuk. Kan Inn tawhfang kha kanmah nih tawfang keng loin midang nih an kan ken piak tinak.
Credit: William HC
Leave a Reply