CNF le Ralkap West Northern Commender Hakha Ah An I Tong

CNF Vice Chairman le Thantlang CNF Liaison Office In Charge Pu Ral Hnin nih tulio boruak kong he pehtlai in Chinram ralkap bawizik West Nothern Commander he Hakha ah zanlei 4pm-5:30pm tiang tonnak an ngei. Tlaihkhihmi hna thlah ding le Duhlonak lamzawhmi pawl harnak peklo ding CNF lei nih an hal i Ralkap lei nih CDM aatuahmi palek pawl nan kan pek than lai tiah an hal hna.

CDM aa tuahmi palek pawl cu CNF camp ah um lo in India ram an zam dih cg caah pek ding a un tilo tiah CNF nih an leh hba. CDM aa tuahmi Palek pawl zoh dingah Thantlang Ralkap minung 23 cu Tlanglo in camp tiang an kalter ve hna tiah theih a si. Thantlang ralkap bawipa cu zu a ri ngai i chonh awk tha in a umlo tiah a hmutu minung pakhat nih TCP ah an chim, cdr- the chinland post.

Cadang relchap; Hakha Khuathar ah Minung 10 nih Pa Hram Thawng Fak Ngaiin an Velh, Tu zan sml. 8:00 hrawng ah Hakha khuathar ah tlangval 10 nih Khuathar ah a ummi tlangval no Pa Hram Thawng a bu in an velh i Pa Hram Thawng cu sizung ah an kalpi. Khuathar ah tthit-um puai a um i, a cunglei minung 10 hi zu an ding.

Zurit lung in amah tein a ummi Pa Hram Thawng hi an velhmi a si, tiah Khuathar upa pakhat nih a chim. A veltu minung 10 lak ah 9 cu an tlaih khawh hna i, Khuathar Hall ah upa pawl nih bia an ceih hna. Tlaihmi minung 9 lak ah Bual Hnin Thang, Kep Hnin le Chan Hre Mang hi Pa Hram Thawng a veltu bik an si tiah anmahle anmah an i puh hna.

Chan Hre Mang cu a zaam caah an tlai kho lo. Khuathar ttuanvo ngeitu upate nih miveltu minung 10 i chungkhar pawl biakamnak tuahter ding in an auh hna, the chin journal.

Leave a Comment

Leave a Reply

Your email address will not be published. Required fields are marked *