Chin mipi nih lungtling tein vote kan pek kho ding ah NLD Chairman le CNLD Chairman nih an policy cungah dirhin Debate tha tein kan tuah piak kho hna sehlaw atha tuk lai nan ti ve maw. NLD Chairman Pu Zo Bawi le November thla ah CNLD Chairman a si te ding Pu No Than Kap nih chin ram caah an party Policy le an vision Debate kan tuah piak hna sehlaw chin mipi nih 2020 Election ah zei party dah vote kan pek lai ti hi kan i fiang deu hna lai maw. Debate tuah a herh ko tiah kan ruah an policy mipi nih tha tein kan theih lo ahcun kan dirhpi sawh sawh ngan lai lo dirhpi phun zong an si lo.
Nihin Chin mipi tam deuh cu NLD policy zong tha tein theih lo piin NLD Party a rak dir pi mi kan tampi lai kan palh ve lo NLD cu Democracy Party an si ti tiang hrawng lawng a theih mi Chin miphun kan rak si hrim hrim hi kan van chiatnak asi. Politics kong cu chimh hla kanmah kong hma theih lo ding tiangin a kan tuahtu kawl ralkap kan I ngeih hi kan van chiatnak ahram bik cu an si ko.
Tu lio CNLD a dirhpi tu chin mipi tampi zong CNLD Policy zeidah a si tiah vun kan hal hna sehlaw a chimh thiam lohmi kan tam pi lai nain kan hawi pa nih CNLD a ti caah kan au ve sawh sawh ahcun uico kan lo ko lai. Uico pakhat nih mi a boh i athawng a theihmi uico paoh nih an boh ve bantuk kan si sual ai. Mi auh ah a auh ve sawh mi kan si sual lai. An policy kan duh ahcun an minung te kan duh ve maw ti tiang zoh thiam kan hau ve. Zei tluk policy hman tha sehlaw hruaitu an thatlo ahcun Policy cungah an dirh kho lai lo i thathnemnak an chuah pi hlei lai lo.
Leave a Reply