Tu lio cu hmailei kum 5 chung a kan hruai dingmi party kong ceih ngai a si i a biapi tuk mi zong asi caah ruah phu le ceihphu zong a si. Tutan cu CNLD election campaigner pakhat a si ve mi Salai Ngun San Aung nih CNLD a dirpinak kong a tialmi mipi caah a thahnem lai ti ka ruah caah a tanglei bantukin ka van tarpiak chin hna.
CNLD hi Chin miphun caah a dirmi Party a si tiah 100% ka zumh caah ka dirpi. CNLD ka tanh hi CNLD chung minung pawl ruangah a silo I a ho forhfial le sawmnak hmanh aa tel lo.
Kan miphun ka tanh a si caah party chungah buainak le tlamtlin lo nak zeitluk in tam hmanh seh sersiam le thawnter tu ka rian ah kaa ruah ve i cu buainak ruangah chuahtak siloin ka si khawh tawk dirpi peng kaa tim.
Hmailei tu ahcun Kawl Party pawl Laitlang ah icuh loin Chin mi lakah party ngan pahnih thum zong an dir te kho men. Cu tik tu ahcun policy kan zoh te hnga. A minung ah kaa hngat lo caah a minung ruangah CNLD kaltak kaa tim lo.
CNLD hi kanmah Chinmi kan dihlak ta a si ti zong 100% ka pom. Kan tanhmi hi minung siloin miphun a si ahcun a fek mi dirhmun he pumpak buainak luklak nih a kan hrawk kho bal lai lo.
Relchap ding: Ramkhel Party dirpi le dirhmun
Ramkhel Party ah Chin mino hna dirpi mi kan hun ngeih cio hi thancho pakhat ah ka ruah. Kan dirpi mi party kongah dirhmun bel aa dang cio lai.
Upa mino ti loin vun ruat ta hmanh usih. Cheukhat cu tangka duh men ah le thutden duh ruangah party candidate aa cuhmi kan pa le an tam pi (USDP, UDP) te pawl mu. Cun kan dirpi mi hna MP/Minister an tlin tikah thil an kan tuah piak lai ti ruangah Party a dirpi mi kan pale an tam pi.
Pumpak in kan i pehtlai mi an si ruangah maw kan dirpi hna? Kanmah pumpak, Sang, peng, khua, bu nih duhmi hmuh khawhnak ah maw kan dirpi hna? An policy kan duh ruangah maw kan dirpi hna?
Kan nulepa bia cun fimnak a cawngmi catang sang mino a kan hruaitu ding an kan ti. Nang party naa thimnak ahhin zeidah na dirhmun a si ve? (Party nih kan then hlah seh. Biaknak bu nih kan then hlah seh. Dawtnak in kan tangti hna lai)
Credit: Salai Ngun San Aung
Leave a Reply