Mifim silo hmanh ah Ka lung i ai tap peng mi hi tial ka duh ko. A ruang cu a hodah Chin Miphun a si mi nih Chinram dawlo le siaherh lo in um hnga? Bia hal nak in hram thawk ka duh ko CNLD kan pale nih an ka leh awk ah si cang seh.
1nak. Miphun covo kan hlam than lai. Mah hi zei lam le zei phung le a ho bawmhnak in dah nan i timh i ruahchannak a um maw? 2008 phunghram ning cun a um lo. Mah hi miphun nan kan hlennak maw a si a lam a um ahcun fiangte bak in Chin mipi hna hi kan fianh uh.
2nak. Pupa ram kong hi nan chim ko i Chin Act hi vun remh u law nan saduh thah. Hlan ah cun pupa ram nei pawl cu mirang nih vawlei man an liamter hna. Pu. Ngaisak bia chung in. A si ah zeitindah vawlei kong tawl rel nan timh? Fiang te in kan chim kho u law kan duh.
3nak. Federal Democracy kong hi nan i hmaithlak i khoika ah dah Federal hi nan au pi lai? Kan Kawlram Hlutdaw khoika hmanh ah Federal kong cu Chim san tlai lo a si cu nan theih. CNF he nan i khat fawn lo i khoika dah na lak lai? CNF ca thanh chung in nan i khah lo nak a lang.
Mah te hi tutan cu si rih seh law. Salai Ceu Bik Thawng bia zawng kha ka van uar tuk. Ramri kong a si ca ah. Mah kan halmi hna hi nan tlawnnak ah an in hal cang ko men hna lai nain nan bia lehnak a theilo mi kan tam tuk caah mah hi fiang te le lungsau ten nan kan leh khawh ah cun hal chap ding zawng a um len rih.
Toidor nak he kan nawl hna. Thin har bu le biathalo chim lo te in leh i zuam u sih. Pakim Bawitlung.
Credit: Pakim Bawitlung
Leave a Reply