Tu kum thimnak cu hla he bia he a phunphun in i zuam a si i, NLD le CNLD party hna nih anmah le hla cio an tuahmi hmanh hi Series pakhat cu a si cang lai. An hla phuahmi zong an tha i, minthang hlasak thiam hna nih an van sa cio tikah ngaih cim lo an si.
Nihin ah CNLD lei nih hlathar an van chuahpi than. Cu hla cu hla phuah thiam Ceu Lian Hmung (Vanmualthar) nih a phuahmi a si i Vanmualthar mino hna nih an sak mi hla a si. A hla bia le hla aw a that pinah a satu hna aw hrimhrim a that tuk caah an hla aw he aa tlak i ngaih a nuam khun.
Tu naite ah CNLD facebook pages ah an tarlangh hi a tanglei bantukin caption an tial chih.
Kan Ram Caah CNLD: CNLD Vanmualthar Khua mino nih Miphun teinak caah hla an vun i thawh mi cung ah kan lung aa lawm tuk. Chin miphun caah zohchun awktlak le lam hmuhsak tu nan si.
Hlaphuahtu Ceu Lian Hmung (Vanmualthar) cung ah le hlasaltu Vanmualthar Mino dihlak cung ah kan lung aa lawm hringhran. CNLD in Hakha – Thantlang peng in mino le nupa nih nanmah le ti khawhnak le a si khawhnak lam in cawlcanghnak nan rak ngei cio.
Miphun Covo Laak Than Ding Ah le Chin miphun funtomnak caah tangrual chinchin ko hna usih. Kan si khawhnak lam in kan tuah mi dihlak hi Pathian nih kan theihpiak sehlaw, thlua kan chuahpiak hram ko seh.
Vanmualthar mino dihlak cung ah le Chin miphun dihlak cung ah kan lung aa lawm tuk. Hla a ngaitu dihlak upatnak he, CNLD (Thantlang – Hakha)
Atangah an video zoh khawh a si.
https://www.facebook.com/OfficialCNLD/videos/270755391044319/
Credit: CNLD
Leave a Reply