CNLD Nih Pupa Ram Kong An Chim Mi Hi An Mah Tu Virus An Si Te Lai

By; Salai Lung Thli Tum: Chin party ai timi CNLD policy biapi bik ‘pupa ram kan nunter than lai’ an timi khi Laimi buaitertu virus tihnung a si te lai aruang cu khuate tampi ah a hakkau deuhmi bawi chungkhar cheukhat nih ‘kan pupa ram, kan pupa ro’ tiin ram kau taktak an i kulh cang, zaran caah lohmun fate hmanh ngah a fawi ti lo.

Phundang in chim ahcun CNLD policy a nun ahcun kan kaltak ciami bawifa le michia fa timi lungput kha a nung than lai, bawi chungkhar kha ram ngeitu an si than lai i ram ngeilo michia nih bawi chungkhar an tangdor than lengmang a hau te lai. Cucu nan duh ahcun CNLD vote ko uh.

Cadang rel chap- CNLD nan tanhmi khi kan miphun kan dawt tiah nan ruah caah a si ko, nan palh bak lo. Kan uar ngai ko hna. Nain, hruaitu thalo tihnung cheukhat nih anmah duhning in anmah personal hlawknak caah party an dirh i Chin tiah min an pek ruang menmen ah Chin miphun party tiah auh a phu maw tihi kan ruah a hau.

Hruaitu tha nih ningcang tein a hruaimi Chin party um sehlaw kan tanh cio ko hnga, nain tuanbia chiahru a ngeimi pa nih a hruai i sehtan rul bantuk luthum a ngeimi party tanh cu ka thling a zaa, ka tih, kan miphun caah tih a nung tuk ka ti.

Biahalnak: CNLD hruaitu pawl nih miphun dawt ruang ah kan miphun caah an pek chanhmi zeidah a um timi rak chim cio tuah u. Miphun dawt timi cu hmurka lawng a za lo, party min ah Chin timi pek menmen a za lo, NLD kan minung Dr Sasa bantuk in tuahsernak in langhter a hau.Crd;Salai Lung Thli Tum.