Tlangmi party pawl an i fonhnak(alliance) pahnih a um, Shan party SNDP hruaimi Nationalities Brotherhood Federation(NBF) le Khun Htun Oo party SNLD hruaimi United Nationalities Alliance(UNA) an si.
Pu Zo Zam le Chinchin Pekthang khi NBF ah lutlai an si, Chinchin Pekthang cu director a si. Pu Ngaisak khi phu dang UNA member a si than. An dirhmun an i dang ngai. UNA khi NLD he ai daw deuhmi an si, NLD nih bawmh a herh ahcun UNA phu or SNLD party a sawm te lai tiah zumh a si.
CNLD cu khawika dah alliance an luh lai a fiang rih lo. NBF ah an luh ahcun NLD he an i hlat ngai lai, USDP he an i naih deuh lai tinak a si. Hi kong ah CNLD hruaitu kar ruahnak i kalh ngai dawh a si. Crd;Salai Lung Thil Tum.
Leave a Reply