Coach Pawl Khuaruahhar In A Tuah Hna Caah DVB Tiang Nih A Kong An Tialmi Hlasak Thiam Japan Gyi (+Video)

Minthang hlasak zuamnak pakhat a si mi The Voice Myanmar Season 3 i Blind Audition cu an tuah cuahmah lio a si i tu zarh zong aw phundang a ngeimi hlasak aa zuam ve mi pakhat a um than. Amah cu Sagaing ramthen, Kalaymyo in a rak zuammi kum 23 mino Japan Gyi a si.

A hlasakmi cu Sit Thu nih a phuahmi Ka Nunnak (Ngah Bawah) timi hla a si. Kan hnu August 23 ni ah The Voice Myanmar Season 3 ah aa zuammi hna cu ni kum November 10 ni ah Online Audition in a sokmi pawl an si tiah DVB nih a tarlangh.

The Voice Myanmar hlasak zuamnak ah hin Blind Audition, Battle Round, Knock Out Round, Live show le Semi Final tiah a dot dot in hlasak zuam a si i aa zuammi hna nih an thiamnak vialte chuak in a dotdot kaiter thluahmah an si ve.

Tu kum Season 3 zongah nikum Coach a tuanmi R. Zarni, Yan Yan Chan, Kyia Pauk le Ni Ni Khin Zaw hna an si than i Blind Audition level in Team pakhat nih minung 12 cio an thim hna lai.

Tutan aa zuammi Japan Gyi nih Ka Nunnak timi hla in aa zuam i a aw a phundang ngai caah Coach 4 ning in a merhter (aa zohter) khawh hna. Cu hnu Coach pawl he biaphong an den lio ah Ni Ni Khin Zaw nih hla dang pakhat sak than ding in a request i Yi Mon hla Laksawng (Suh Latt) timi a sak piak than hna.

Zuamnak zulhphung ning in Coach pali lakah pakhatkhat thim ding a si caah Japan Gyi nih Coach pali chung in Kyia Pauk a thim i Team Kyia Pauk ah a phan ve. Hi kong hi Kawlram minthang media DVB tiang nih tu zing a tarlangh mi a si.

Kawlram chungah The Voice Myanmar hlasak zuamnak ah winner a hmutu hna cu Season 1 in Ngwe Soe a si i Season 2 Novem Htoo nih winner a hmu ve. Tu kum Season 3 ah ahodah winner a hmuh te hnga cuanh cio ko hna u sih.

A Video Zohnak;

Ref: DVB

Leave a Comment

Leave a Reply

Your email address will not be published. Required fields are marked *