Australia ah Chinmi chungin Company kan i ngeih chungmi Pu Jacob’s Gardens Company cu April 22 in Lockdown an tuah chung cang lai. Hi Company ngeihtu hi Thantlang peng Lautu Miphun Sentung khua mi Pu Jacob Cung Hlei Thang asi. April 22 in temporary in lockdown an tuah chung cang lai. Zei caan tiang an tauh lai ti cu kan theih kho ri lo.
Hi Company ngeihtu hi Thantlang peng Lautu Miphun Sentung khua mi Pu Jacob Cung Hlei Thang ngeihmi a si caah Chinmi tampi kan holh le kan ca tein rian kan tuan kho nak hmun zong asi. Pu Jacob Cung Hlei Thang sinah rian a tuan khomi hi minung 60 leng an si. Chinmi tampi le Students cheukhat zong rian tampi a pek tu asi. Cun Chin life Changing Candle zong home business bantuk in an tuah cuahmah lio a si ve.
Covid-19 ruangah Australia in Company lockdown an tuahmi hi 35% cu an si cang. Zawtnak hi Stage-4 a phan ahcun Company vialte an lockdown cang lai tiah cozah nih a thangh lengmang cang ko. Cucaah zeitin ah khin lockdown an tuah lai ti zong hi chimh kho asi ti lo. Pu Jacob Cung Hlei Thang hi Australia ah Company a tuahmi lawng siloin Chinram lei zongah NGO a dir ve mi asi. Hmailei rian tampi a tuan kho tu ding dirhmun a phan cangmi a si.
Cucaah hi Covid -19 zawtnak zong hi thatnak leilam a panh tikah hi nakin ngan deuh in rian zong an tuan than te lai tiah zumhnak kan ngeih ko. Chinmi Jacob bantukin hmailei Company that that a kan dirh paik kho ding tampi kan um kho ve dingah I zuam cio hna usi. Pu Jacob Cung Hlei Thang zong hi nakin hmailei a ngan deuh in rian a tuan kho tu a si nak ding caah thlacam bomh cio hna usi.
Leave a Reply