Kawlram mipi nih an uar ngaimi, a hlei in nungak pawl nih an uar ngaimi kan Laipa Benjamin Sum cu mipi nih laksawng an pekmi a cohlan cang tiah a music video a tarlangh hmasabik tu JOOX nih a tarlangh. Kan Laipa Benjamin Sum nih a comi laksawng cu JOOX 2020 Half Year Artist Award a si i JOOX fans pawl nih an thimnak in hi Award a co hi a si.
Benjamin Sum nih cu laksawng a conak kong he pehtlaih in a fan pawl sinah a lunglawmhnak a chimmi zong a tangbik video ah zoh chih khawh a si. JOOX 2020 Half Year Artist Award a ngahnak kong he pehtlaih in Benjamin Sum nih a chimmi cu, ka lung aa lawm tuk. Hi laksawng i a ruah in kaa ruahchih bak lo. Hi laksawng ka petu Summers pawl nan dihlak cungah kan lawm tuk tiah a chim.
A hla chuahmi funghnih kong he pehtlaih in a chim rihmi cu, Hla funghnih ka chuah cang. Cu fung hnih caah ka si khawh tawk in kaa zuam. Ka tuah khawhmi chung i a thabik in kaa zuam. Cun hi hnu zong pehzulh in kaa zuam rih lai” tiah a chim hi asi.
Music lei he pehtlaih in a chim rihmi cu, Keimah caah cun music hi a ka nuamhtertu a si. Cun zeibantuk caan ka phan zongah hi music nih a ka nuamhter. Ka pawng ah hawikom pakhat bantukin a ka umpitu tiah ka ruahmi a si tiah a chim rih hi a si.
A fan pawl sin a bia cahmi cu, Keimah vote a ka petu fan pawl cungah kaa lawm. Ka caah aa zuam ngaimi Summers pawl cung zongah kaa lawm tuk. Pehzulh tein thazaang ka pe uh law, keimah zong kaa zuam chinchin ve lai. Nan dihlak cungah kaa lawm.
Hi hnu zeidah tuah naa timh rih timi kongah, Hlasak hi ka thimmi a si caah pehzulh in hla chuak ding ka ngei rih tiah a chim chih. Minta (Actor) tuan ding timhtuahnak na ngei maw timi biahalnak ah, Atu lawlawse cu ka ngei rih lo” tiah nih buin a lehnak video zoh chih khawh a si
https://www.facebook.com/JOOXMyanmar/videos/604420463550922/
Source: JOOX
Leave a Reply