Nihin ah Chin miphun hmaihngaltertu Myanmar Idol Winner Esther Dawt Chin Sung nih fakthanh bantuk in ca pakhat a tialmi rel tikah Brand pakhat he pehtlaihnak tha ngeih in an ambassador hna a tuan cang rua ti awk in ruahdam khawh a si.
Cu Brand cu innchung thilri hmangmi zuarnak Brand a si i cu kong he pehtlaihin hlakthiam Myanmar Idol Winner Esther Dawt Chin Sung nih a tanglei bantukin a facebook cahmai ah a tarlangh hi a si.
“Hello, nan zate in Happy Weekend hman nuam ko uh. Sung Sung nih inn chung thilri kong pakhat chimh kan duh hna. Sung Sung nih a tu ka innkhan chung hman ding electric thilri pawl ka kawlnak a sau ngai cang. Khatlei khatlei ka kal i ka hal hna hnu ah Quality zong a tha i a man zong a fawi fawnmi Brand pakhat ka hmuh ti ko uh sih.”
“Cu ti cun Sung Sung nih ka duhmi ka hmuh pinah pakhat hnu pakhat tete in ka cawk tawn i a tu ah cun cu Brand he riantuantti ding tiang in biachahnak kan tuah cang. Keimah Sung Sung hrimhrim nih ka duh tukmi cu Brand te cu zei Brand a si timi a rauh hlan ah kan chimh hna lai aw” tiah Esther nih a tarlangh hi asi.
Kawlram minthang mintami minta pawl nih minthang Brand pawl he pehtlaihnak an ngei i ambassador hna an tuahpiak bantukin kan Lainu Esther Dawt Chin Sung zong a cung i a chimhmi Brand he pehtlaihnak tha ngei dawh an si cang.
Esther Dawt Chin Sung cu a hnubik Myanmar Idol Season 4 Winner cotu a si tikah atu kum hi a lar lingcing a si i hi bantuk Brand pipi he pehtlaih khawhnak caah caantha a ngei lio zong a si. Amah nih a chim bang in a rauh hlan ah cu Brand he pehtlaihnak a ngeihnak kong kan theih than lai i update khawh kan van i zuam te lai.
Ref: Esther DCS
Leave a Reply