Congratulations: Esther Dawt Chin Sung Cu JOOX Ah Top 3 Tiang A Phan Than (+Viddeo)

Myanmar Idol Season 4 Winner kan Lainu hlasakthiam muidawh awtha Esther Dawt Chin Sung nih Joox ah Top 3 tiang phak kho ding in thazaang a petu a fan pawl sinah live video thlak in a lunglawmhnak bia a chim.

Joox timi cu nichiar tein Kawlram chung hlasak thiam pawl an  hlathar a tarpiak hmasabik tu Application pakhat a si i cu hla an tarmi vialte chungah zarh chiar tein mipi nih an duh bikmi hla an thimter tawn hna. Zarhkhat ah cawn nikhatni in nithumni tiang duhmi thimnak caan an tuahpiak i mi tam deuh nih an thimmi kha Top 1 ah chiah tawn a si.

Cu bantukin kan hnuzarh ca i mipi nih an thimnak ah Esther Dawt Chin Sung cu Top 3 ah an thim ve caah kan Lainu Esther nih tu bantukin mipi sin a lunglawmhnak a chim hi a si. Kan hnu zarh ah Top 3 ah aa telmi mipi nih thimmi Esther hla cu UNSEEN timi hla kha a si. Top 1 ah cun Ar-T hlaa “Mang manghnak nawl a um lo” timi hla a si.

Hi bantuk titsa ngeih tein a ka dirpi tu nan dihlak cung ah lunglawmhnak ka ngei. Covid-19 boruak chung zong ah nan ngandam ko sehlaw nan hlawhtling ko seh. Covid pulrai zong hi dih tuan sehlaw, thazaang petu hna zong a lengah hmuh kan duh tuk cang hna” tiah Esther nih lawmhnak bia a chimmi chung in tlawmpal ka van langhter.

Lawmhpinak he a lunglawmhnak live video in a chimhmi cu a tang ah zoh khawh cio ding in kan tarpiak chin hna. Pathian nih cawisang chih  ko.

https://www.facebook.com/estherdawtcs/videos/657639521547938/

Video: Esther DCS

Leave a Comment

Leave a Reply

Your email address will not be published. Required fields are marked *