Covid Mizaw Motor Mongh Pah In The Voice Myanmar Ah Hlasak Aa Zuam Mi Mirum Dr. Thet Thet Khine Fanu Grace

Hi minu hi zohchunh tlak minu hrimhrim a si. Ka nu le ka pa an rum tuk ko tiah zeihmanh porhlorhnak le i uahnak ngei loin amah nunnak caah amah kutke tein teima in rian a tuantu Grace a si. A nu cu minthang mintami Htun Eaindra Bo naunu mirum mifim Dr. Thet Thet Khine a si i Pyithu Hluttaw palai pakhat zong a si.

Dr. Thet Thet Khine fanu Grace cu nitin tein Covid-19 mizaw pawl a phurtu motor (ambulance) a monghtu a si i Kawlram ah Covid-19 zawtnak a um thok in nihin tiang nikhat hmanh i din bal loin motor a mongh piak hna ti si. Mirum fa a si ko nain cu tluk cu mipi caah a pum aa pek i a rian ah tei a ma ti si.

Cu ti nichiar Covid mizaw phurtu motor a mongh pah bu cun The Voice Myanmar hlasak zuamnak ah aa zuam chih rih ti si. Grace cu a nu Pyithu Hluttaw palai pakhat a si pinah a nu u Htun Eaindra Bo zong minthang mintami le awtha hlasak thiam pakhat a si ve nain cu vialte cu ahohmanh theihter lem loin mi sawhsawh bantuk tein a hawinu he hlasak zuamnak ah a kal i hlasak aa zuam ti si.

Grace cu ramdangah sianginn a kaimi zong a si i fim cawnnak sang a ngeimi pakhat zong a si. Nain ramdang mi athingyi nak pakhat hmanh ngeih loin a ram le a miphun caah rian a tuanmi miphun dawtu pakhat, upat awktlak le zohchunh awk tlak nusaltha pakhat a si.

Ref: Han Nyein Oo

Leave a Comment

Leave a Reply

Your email address will not be published. Required fields are marked *