Tu lio pulrai zawtnak cu tar thlulo ngakchia thlulo in a tlun hnawh ko hna. Tu lio Kawlram chungah zawtnak a hung karh tuk cang i kanmah Lai tlang lei tiang zong a hung phan ve cang.
Nizan October 15, 2020 ni, Ah Lah Kah Kantkawpin Quarantine Center ah a ummi pawl Swab an chek mi hna chung in minung 2 positive an si caah nizan lila ah Sitkwin Volunteer phu nih an hruai i Minhla myone, Pyithu Cianmazi Usithanah ah zinglei suimilam 12:30 ah an kuat tiah theih a si.
Zawtnak positive a simi nu pahnih hna cu Kyaungywa khua oksu, Cwemakaing khuami pakhat, Sanboh khua oksu, Gyonekung khuami pakhat an si hna.
A tang video chungah ngakchia nute cu zawtnak a ngeih ruangah tuanvo ngeitu nih a nu sin in an lak i, ngaihchia tein ambulance in an kalpi mi hmuh a si.
Nihin tiang Kawlram chung mizaw dihlak hi 32351 an si cang i cu chung ah minung 14706 an dam cang. Cu vialte a zawmi chungah minung 33 an thi cang i atu siizung aa thlawp liomi dih lak hi 765 an si tiah Myanmar Health and Sport Ministry thawngthanh ning in theih a si.
Nizan Kantkawpin khua i ngakchia mizaw an kalpi lio, a nu nih a hnulei in a tap lio le motor cung i ngakchia nute a tap buin an kalpi lio video zoh khawh ding in tar chih a si.
https://www.facebook.com/100034956362423/videos/pcb.438807440627798/438806683961207/
Video: U Mg Naing
Leave a Reply