Covid Tuarmi Hna Nih Man Lo In Cah Khawh A Si

Dawtnak Cabuai (August thla chung caa) Hakha khuasa Covid zawtnak a tuarmi hna, Sii inn na um ah siseh, inn na um ah siseh thazaang umnak Soup(Sa haang)in HBDO(Hakha) nih “dawtnak cabuai serh”kan in duh hna.Thazaang umnak caah Soup haang ii cawk kho ding in Phaisa thazaang a ngei lomi hna caah, August thla(2021 August) chung hi man lo in kan in chanh hna lai.HBDO(HK) lei in ralrin ding: Soup kan in chanhmi hna kong kha ho sin hmanh ah kan chim lai lo.

Rawl Co hlangtu lei in  ralrin ding : Keimah sin ah lomhnak chim lo ding (A ruang cu keimah phaisa a si lo. Pathian mifa Lai fa dawt hna nih an ka hlutmi in ka tuahmi a si caah). Nan awr nih a hlammi ti le rawl te kha nan duhmi poah(Nan duhmi poah) ka phone ah lungsau tein nan ka fianh lai. Nga Soup, Ar Soup, Cawsa Soup hi thazaang caah a tha bik men hnga.

Soup le rawl kan in chanh hna ruang ah nan i lawmhnak nak in, kanmah te hi rawl dangh khawhnak caan sung nan kan ser piakmi ruang tu ah kan i lawmhnak a ngan deuh. Jesuh Khrih ah nan rian tuan hawi, Pa Hu(Lian Lian Pa) 09 400 30 5298, 09 400 90 5298, A tanglei hi Ngasa Soup le Soup chuanning a si.Crd- Cung Hu Blood

Thawng dang: American le Indonesia I fonh in a ngan bikmi raldohnak an cawng ti, Indonesia le American ram nih ralkap minung a thong tel in zarhhnih chung hmunkhat ah raldoh cawnnak an tuah ti tiah theih a si, atu bantukin an tuahmi raldoh cawnnak hi anmah ramhnih kar ah an tuah tawn mi cawnnak lak ah a nganbik mi a si tiah an langhter.

Tikulh runvennak ding caah a hlei in raldoh cawnnak an tuah hi a si i, Sumatra, Kalimantan,le Sulawaisi,hmunthum ah August ni 1 in, ni 14 tiang an tuah nak kong cu Indonesia ralkap nih nithum ni ah khan an chim. Hi raldoh cawnnak chung ahcun Indonesia ralkap 2100 leng le American ralkap 1500 an i tel i, a luancia mi 2009 kum ah thok mi Garuda Shield kum tin raldoh cawnnak i zahzat a si tiah a chim.

American ralkap phu hna cu Coronavirus chawnhnak a karhtuk nak hmun Indonesia ram cu July thla donghlei ah an phan i, an phanh ah Covid-19 zawtnak an ngeih le ngeih lo checknak an tuah hna. Cu kahdoh cawnnak cu ramkip kar pehtlaihnak a that chin nak ding le, ralkap hna nih an thiam nak karhter nak ding caah tuah mi a si tiah Indonesia ralbawi Anndiga Patgasa nih a chim tiah CNA nih a tial.crd- the chin post

Leave a Comment

Leave a Reply

Your email address will not be published. Required fields are marked *