Cozah Hruai Nak Yangon Mipi Hna Cu Mask Bawmhnak An Pek

Kawlram ah cozah hruainak in may 13 nii in yangon ah a um mi khuapi cheukhat hna cu mask bunh lo in leng nan chuah lai lo mask nan i bunh hrimhrim lai tiah tu nii ah mipi sinah chim fiang nak an tuah. Covid-19 Control Committee le sipin hna kom in Yangon ah mask lo in leng a chuah mi hna cu phaisa 5000 cio an liam lai tiah an chim. Tu nii may 13 zinglei sang ah cozah hruai nak in mask campaign hna cu Hlaingthaya khuapi le Insein khuapi cun Thingangyun khuapi hna ah an tuah tiah thei asi.

Hlaingthaya khuapi le Insein khuapi ah cun mpi an tam biknak bazer ah a biapi deuh in an tuah tiah thei asi. Thingangyun khuapi tu ah cun yawkawt chung ah mask bunh ding in thei ternak an tuah. Mah hnu in cun leng an chuah tik ah mask nan i bunh lo ah cun phaisa 5000 liam ter nan si lai. Mah caah tu ban tuk in mipi hna sin ah thei ternak kan tuah hmasa nak hi asi.

Mask Campaign kan tuahnak hi voi 3 nak ah mipi nih mask an i bunh cio deuh tiah U Myint Min nih a chim. Covid-19 zawtnak a tam biknak hmun Insein khuapi zong ah mask bunh cio ding in bazer hmun 15 hrawng thei ternak le mask a bunh lo mi hna sinah mask cu free te in kan pek cio hna.

Thingangyun khuapi zong ah mask bunh cio ding in thei ternak kan tuah hnu ah mask zong kan pek cio ve hna. Tu ah cun kan mah nih thei ternak kan tuah cang caah 15 nii hnu ah a zul lo mi hna cu nawl kan chuah ban tuk in dantahnak an in ko lai tiah tuan vo ngei tu pakhat nih a chim laknak Cele Yawkawt.

Leave a Reply

Your email address will not be published. Required fields are marked *