Cozah Lampi Cu Cheukhat Ca Lawng Ah A Thahnemmi Lampi A Si Awk A Si lo

A sen hi Hmawngtlang a lutmi tulio cozah lampi a si, kataya an phah pah dih cang. Aihre hi a thar in remh an i timhmi hlan lio khuataw lam thing a si, leikuang lak a kalmi asi caah fur caan ah a cet ngai. Lam hnih zohti tikah cutluk in an i dannak hmuh awk a um lo. Cozah lampi khuachung a luh ding cu aho poah duh cio a si.A chiatnak tlawmte a um ve nain thahnemnak tamtuk a chuahpi. Zokhua, Tinam le Lamtuk a thahnem hna ning khi hmuh khawh a si.

Pu Hung Ngai cozah nih Thantlang-Hnaring cozah lampi cu Hmawngtlang khuachung an luhter, kum tam nawn an hman cang. Nain, rem lotu le hnahchuahtu cheukhat cawlcanghnak ruang menmen ah khua hrial than ding a si tikah ahodah lungfah lo a um hnga? Cozah lampi cu cheukhat ca lawng ah a thahnemmi lampi a si awk a si lo, thahnmen khawhnak hmun ah a ummi poah a thahhnem mi lampi a si awk a si.

Lampi a tha deuhmi le siarem deuhmi cawh khawh cu a tha tuk ko, nain kanmah siarem ding ah midang mitthli kan tlakter awk a si lo. Cheukhat thahnemnak lawng si loin zapi thahnemnak kan kawl awk a si. Atu lampi thar cawh nak caah a tlami phaisa hi Hmawngtlang a lutmi lampi remhnak ah hmang deuh hna sehlaw dawh taktak le tha taktak in an remh khawh hnga.Credit; Salai Lungthli Tum.