Chin mi chung in Kawlram pumpa minthang pakhat a simi le Chin miphun hmaihngaltertu hlasak thiam David Lai nih a hlathar cu a facebook cahmai ah a kan tarpiak.
Hi hla hi amah nih a phuah tharmi te, a fresh bakmi si dawh a si. Hla title cu Lai holh in in kan leh ahcun Lung Thiang Tein Kaa Pek Chanh Lai timi hla a si.
Salai David Lai cu tu hi Covid-19 mizaw an thlawpnak Waibarki siizung ah a caan a thazaang le a pum pek in mizaw a zohkhenh cuahmah lio a si. Cu bantukin mizaw a zohkhenh cuahmah lio a si tikah mizaw hna an harsatnak a hmuh caah ka si khawh tawk in kaa pek chanh lai timi hla dawh dawh a si.
David Lai nih a hla thar a post mi ah caption a tial chihmi cu, “Lung Thiang Tein Kaa Pek Chanh Lai” by David Lai. Mah ca iruat loin midang caah dawtnak he aa pe chaangmi vialte kan upat hna” tiah a tial chih hi a si.
A hlabia ah “Kaa pek chanh, zeihmanh ka hmuh lo zongah, fahtuarmi pakhatkhat caah ka ba tiah ka chim ngam lo. Minung pei kan si cu zeitindah kan zoh sawh ngam lai?”
“A tlamtling lomi pakhatkhat caah kaa pek chanh lai. Dawtnak hi nun ka duh. Mah ca ruat loin lung thiang tein kaa pek chanh lai, ahohmanh nih an ka theihpi lo zongah lung thiang tein kaa pek chanh. Kaa pek chanh lai, dawtnak he, oh oh oh…” ti zong aa tel i a tangah a video zoh le ngaih khawh a si.
https://www.facebook.com/davidlaipage/videos/1415933208797642/
Source: David Lai
Leave a Reply