Daw Aung San Suu Kyi Cu Nay Pyi Taw Biaceih Zung Ah Bia An Ceih Lai

Thaizing May 24 ah a voi khatnak bik pumpak hmaitonh in Daw Aung San Suu Kyi cu Nay Pyi Taw Biaceih Zung (Zung dangte) ah bia an ceih lai. February 1 in hren a si hnu ah sualphun 7 in tazacuai a si i cu hlan cu video conferencing in bia an ceih tawn. Thaizing hi a voi khatnak bik pumpak hmaitonh in bia an ceih a si lai.crd-the hakha times.

Thawng pang dang relchap; Tanhse ah ralkap council hriamtlai tapung pawl thangpang a pe tawntu dalan nuva hna cu meithal kah an tonng i a pasal cu a nunnak a liam cang tiah theih a si. Dalan a si ko ti theihmi pawl cu hi bantukin tuah thluahmah ding an si ko.

Thil sining cu nihin May 23 ni, zinglei suimilam 8:15am hrawng ah Sagaing ramthen, Tanhse myo, Mahar Myiang sang ah a ummi ralkap council hriamtlai tapung pawl thwngpang a petu dalan, Pyo-saw-hti phu chungtel U Thein Swe Aung @ Maung Soe le Ma Chaw Su te nupa hna cu meithal kap an tong i, U Thein Swe Aung @ Maung Soe cu a nunnak a liam tiah theih a si. KTM nih a tarlangh.

U Thein Swe Aun @ Maung Soe cu cu hlan ah thing firtu pawl kong palek sin a chim phuan tawntu pakhat a si i atu ah ralkap council hriamtlai tapung phu caah dalan a tuan thanmi a si tiah khuaami chimhnak in theih a si. U Thein Swe Aun cu Ye-oo siizung ah a nunnak a liam i a nupi cu sii aa thlawp lio tiah theih a si. Ref: KTM.