Tu nii july 9 nii ah Chin State Paletwa peng, Pein Hne Ta Pin khua a si mi Pu Thein Zaw O le Pi Lin Swe hna I an fapa thla 7 a si mi pa te cu lung zawtnak a ngei caah YankinChildren’s Hospital ah operation an tuah. Operation an tuah mi zong tlamtling te in an tuah kho tiah thei a si. Operation tuahnak ah a her mi phaisa cu Dingdi Dream lei nih an bawmh hna.
Paletwa mi Yangon um Pu Thein Zaw O le Pi Lin Swe hna I an fapa thla 7 a si mi Mg Ye Yint Aung operation tuahnak ding caah phaisa ting 9 cu Dingdi Dream president a si mi Pi Sung Tin Par le tangka keng tu Pi Sung Khun Tial hna nih Mg Ye Yint Aung a nu le pa sinah an va pek.
Tu ni tiang in Dingdi Dream group sin phaisa a phan mi zat cu ting 20 a si i a pe tu hna an min cu a tang lei kan langter mi hna hi an si. Zawn ruanak he a nawmhnak a pe tu nan zate cungah kan in lawm tuk hna tiah Dingdi Dream page nih a langter.
Leave a Reply