Nihin ah kan Chin miphun aiawh in Kawl ram ah daihnak ser aa zuam cuahmahmi Dr. Lian Hmung Sakhong nih a facebook ah a lunglawmhnak ca pakhat a tial.
A tialmi cu “Kum 10 kar lak: 2010-2020, A luancia kum 10, tu thla lio ah, keimah cu Human Rights Activism ti in Aizawl ah hren ka si. Cu kum 10 hnu, nihin (August 17, 2020) ni ah State Counsellor Daw Aung San Suu Kyi sin in Peace Making Prize minthatnak laksawng ka hmuh” tiah a tial i a hmanthlak a tar chih.
A hmanthlak ah a luancia 2010 lio, Aizawl ah an rak hrennak hmanthlak le a hrennak ruang cathanh an tialmi cu hmanthlak a tar chihmi hmuh khawh asi pinah nihin State Counsellor Daw Aung San Suu Kyi nih Peace Making Prize minthatnak laksawng aa puh i aa thlahpimi hmanthlak zong hmuh chih khawh a si.
A luancia 10 lio ah Mizoram mi nih an rak tlaihnak kong a tialmi ah, “2020, August 28 ni ahkhan Mizoram ah ralzam dirhmun in kumhrabu pahnih chung a um cangmi Chin miphun 26 he an rak tlaih i amah cu Aizawl palik sakhan ah an kuat i an rak hren.
An rak tlaihnak ruang bik a tialmi cu, “Cu lio ah keimah nih kan Chin miphun hna cu Democracy sullam, human rights le Federalism ti bantuk pawl le zeitindah dai tein kan ram kan ser than lai timi ka cawnpiak hna. Nain ka cawnpiak hna lio hnahnawhnak pek kan si i tlawmpa ah thir kulhmi innkhan (thonginn) chungah ka phan” tiah a tial chihmi hmuh a si.
Dr. Lian Hmung Sakhong cu Union Peace Dialogue Joint Committee (UPDJC) ah hruaitu pakhat a si ve i nihin ah tuahmi voi 18 nak Union Peace Dialogue Joint Committee (UPDJC) Meeting ah onnak (Opening Remarks) biachimtu zong a si.
Nihin laksawng a hmuhmi kong he pehtlaih in Dr. Lian Hmung Sakhong nih a facebook ah, “Ten years in between: 2010-2020. Ten years ago this month, I was lock-up in Aizawl for my human rights activism. Ten years after today, (17-Aug-2020) I received the “Peace Making Prize” award from the State Counsellor Daw Aung San Suu Kyi” tiah a hmanthlak pawl he a tarlangh hi a si.
Source: Lian Sakhong fb
Leave a Reply