Dr. Ngun Cung Lian: Daw Suu He I Ton Paoh Ah I Sik Le I Rah A Si, Ka Rem Lo

Nihin 2020 Election kong ah Salai Al Bik Lian nih Dr. Ngun Cung Lian cu online Talkshow a tuah. “Daw Suu Kyi Nih 2020-2025 Kar Ah 2008 Phunghram Remh Kho Loin 2025 Pin Lei Riantuan Kho Ti Hlah Sehlaw Kawlram Dirhmun Zei A Lawh Lai” timi biahalnak ah Dr. Ngun Cung Lian nih a lehnak cu a tanglei bantukin a si.

Pakhatnak ah Daw Suu khi ka tong bal tuk lo. Voi 5/6 hrawng ka tong. I ton paoh ah i sik le i rah a si. Mi bia chimhmi pakhat hmanh a ngai duh lo. Ka rem lo, fiang tein chim ko ahcun mu. Thein Sein hi voi tamtuk ka tong. A voi ka chim kho lo. Ka chimh paoh ah, cu ti kha ti a si kho. Cucu zeitin a si lai? a ti i kan chimhmi paoh hi note a tial i a ngai. General pakhat a si cu. President cu ti tuah ahcun a ngah lai lo hi kan ti ah, ‘a si maw’ a kan ti. Cu ti kan tuah ahcun mah ti cun a si kho. Kha ti kan tuah ahcun mah ti a si kho tiah kan chimmi a a ngai kho. Cucu Thein Sein le Daw Suu an i dannak a si.

Pahnihnak ah a upa tuk cang. A tar cang. Cu tikah zeidah a cang ti ahcun nizan i a chimhmi bia khi nihin ah a theih ti lo. Nihin ah a chimmi bia kha thaizing ah a lehtalam in a chim hoi. Khakha ttihnung tukmi a si. Tahchunhnak ah America ah Presidents pawl, Candidates pawl, Congressmen pawl khi si hna sehlaw, medical check-up an tuah cang hnga. An tuah lai i mah hi thinlung zawtnak maw, pumsa zawtnak dah timi kha an chek dih hnga. Kawlram ah cu bantuk a um lo.

A pathumnak ah a poimawhbikmi cu kan pitar nu a mentality khi credit tuah a har tuk. Nihin aa thleng, thaizing ah aa thleng than. Cun a palinak ah a poimawhbikmi cu ramdang vuanci a si. Atu kum 4 chungah ramdang vuanci sinak in ramdang a kalmi hi voi zeizat dah a si? Voi 10 a tling lo.

Thailand ramdang vuanci khi kan i theih. Kumkhat chungah thla 6 hi ramdang ah ka um a ti. Thla 3 hi vanlawng cungah ka um a ti. Cu tikah khan ramdang pehtlaihnak ah zeihmanh kan si ti lo. Daw Suu cu State Counselor zong a si rih fawn. Cu tikah ruah awk khi a tam tuk.

2008 phunghram khi remh a duh lo. Zeidah a duh ti ahcun 59 (sah-lung) le 436 remh ding lawng a duh. 261 hi zeihmanh ah a rel lo. Cucu 2013 in nihin tiang ka theihmi a si. President si a duh. Atu ah President nakin sinak sang deuh a si ko nain zeihmanh a chuahpi hlei lo. Asi ko lo maw? 436 (A le B) remh a duh. Zeiruangah ti cu ka thei lo.

Kan hnulei thla 9 chung bak anmah NLD nih phunghrampi kan remh lai an ti le zeidah an remh na thei maw? Pali an remhmi ah zeidah a si ti ahcun “Ma-tan-ma-suan” (Pum tlamtling lomi) timi kha “Ma-tan-suan” (Pum tlamtling lo) timi khi “Ma” timi biafang pakhat te lawng an hnawh. Phaisa ting zeizat dah an dih. Million bak in phaisa an dih.

Curuangah ahmasa bikah ka chimmi phunghrampi remh nan duh ahcun ka ti, NLD pawl zong tha tein ka chimh hna. Charter maw remh nan duh, philosophy maw remh nan duh? Assense maw remh nan duh? Nan duhmi chim uh. Asi khawh chung in kan bawmh hna lai.

Pakhat cu 21st Century Pang Long ahkhin a zeihmanh hi tuah awk an theih ti lo le an kan auh. An kan huat tuk ko nain an ka auh le ca tha tein ka tial piak hna le cu ruangah a phi tampi an chuah. Mah ruangah cun NLD tampi zong nih ka cungah lawmhnak an ngei.

Ka chim duhbik mi cu kan pitar nu hi cu a tar tuk cang. Bia a chimmi a theih ti lo. A philh lengmang. Institution a dirh lo. Atu amah hi um hlah sehlaw NLD hi a um lai ka zumh lo.

Note: Salai Al Bil Lian Zathang nih 2020 Election kong Talshow a tuahmi video bia in note tialmi a si.

Leave a Comment

Leave a Reply

Your email address will not be published. Required fields are marked *