Dr. Pari hi Lautu nu asi India ram ah Dr. a dih tiang a kaimi asi. Delhi ah Cozah rian a tuan I Chin Miphun nih kan I bochan taktak mi Kan nu can asi. Lautu Miphun Khuahrang khuami asi. A nau nu Zong Dr asi ve. Dr Puai asi. Dr. Puai hi cu Singapore ah Sii –bawi rian a tuan lio asi ve.
Dr Pari hi Online in Laiholh tein ngadamnak lei caah live in a chimh peng ve mi asi. Tu Lio zong a nau nu Susan Tial caah le Laimi dihlah caah a chimhmi hi asi. Ka nau nu Susan Tial nau a cuang ti ka theih i nau a ngeih tikah a thathnem lai. Cun midang nausem a ngeimi ca zongah a thathnem lai ti ka ruah caah ngakchia ti dinh ningcang tawi tein ka tial.
A nu hnuk hang ah ti 80% ai tel cang. Thla (6) an si tiang ti pek an hau lo. Ti na pek ahcun a nu hnuk hang dinmi a tlawm lai. A nu hnuk hang a chuah a zor lai. Cun a chung a tlik kho. Chungtlik belte ahcun ORS (datsa) na pek hrim lai. Thla (6) an tlin hlan ahcun an kal (kidney) a sersiam cuahmah tu sodium le fluid kha ti nih khan a kal pi lai caah ti pek an tha rih lo.
Thla (6) an tlin ahcun ngakchia nih fluoride dat kha an herh caah ti tlawmpal tete in pek an hau.Tam pek zong an hau lo. Nikhat ah 2-4 ounce tluk pek ah a za ko. 1 ounce cu darkeu 2 tluk a si. A tak linh asiloah a chung tlik ahcun 6-8 ounce pek ding.
Kum (1) cung a si ahcun a ti hal caan le rawlei dih poah ah pek ding. Ngakchia zun aihre asiloah zun tlawm ahcun ti din mi a tlawm caah a si kho. Cun a ek a hah le a fer ahcun ti chambau ruangah a si kho fawn. Ngakchia zun le ek zeidah a lawh ti kha a nu le a pa nih zoh piak lengmang a hau. Note: Ti ka ti tikah a thiang mi ti a si lai. Credit; Dr.Pari.
Leave a Reply