Dr. Sa Sa nih Chinland caah a mang a hmuhmi cu a tanglei bantukin a facebook ah a tarlangh. A hmuh ning ahcun Kawlram chungah sifak bik Chin state cu mivialte caah a rumbik mi le ai dawh bik le thluachuah a si lai tiah a tarlangh. Atangah tling deuh in kan tar piak chin hna.
Ka mangah hi ti hin ka hmuh. A khulnuar hnu bik mi cu pakhatnak a si lai. A hmebik mi cu a lianbik mi a si lai. A sifak bik mi cu a rumbik mi a si lai. A thazaang der bik mi cu a thawngbik mi a si lai.
Chin State cu Kawlram chungah a tthangcho lo bikmi State tiah timi a si. Nain Chin State cu a tthangcho bik mi state a si cuahmah mi cu ka hmuh.
Chin state cu kokek thilchuak a um lo ruangah a sifak bik mi a si tiah timi sihmanh sehlaw, vancung in a rami fimthiamnak hna cu ai dawhtuk mi tlangcungah a tlak cang caah “Chin Hillss” cu mi vialte caah a rumbik mi le aidawh bik le thluachuak a si lai tiah ka hmuh.
Chin state cu fimthiamnak, ngandamnak le khuasak tuntuknak ah thazaang a derthawn bik ti sihmanh sehlaw Chin state cu ram pumpi caah a tha bik mi fimthiamnak a chuahpi tu ngandamnak le khuasak tuntuknak a chuahpi mi state a si lai nak cu ka hmuh.
Pathian bawmhnak thawngin amah vialte thil hna hi a tak in a si khawhnak dingaah hmunkhat te ah ttuan tti hna u sih. Dr. Sasa, Pathian, Kan Ram le Mipi caah” tiah a tarlangh hi si.
Dr. Sa Sa nih vision a hmuhmi cungah minung tampi nih an lung lawmhnak an langhter cio. Dr. Sa Sa cu NLD nih election campaiger ah an hmanmi kong he pehtlaih in tu lio a kong a linsa lingcing a si i cu kong he pehtlai amah le nih zeihmanh a awan a chuak rih lo. Tutan a hmuhmi vision hi Pathian tu nih tlamtlinter zau seh tiah thlaza cam buin.
Source: Dr. Sa Sa
Leave a Reply