Dr. Sa Sa Nih NLD Party Chungtel Luhnak A Sawkmi Ca Hmuh Khawh A Si Cang

Tu lio cu Lai media ah NLD party nih Chin ramkulh chungah Election campaign tuahtu phu an telhnak ca a chuak le cangka in linsa ngai in Dr. Sa Sa kong ceih le phai a si.

Cu lio ah media cheukhat nih Dr. Sa Sa theihpinak tel loin NLD nih Election campaign tuahtu phu ah an telh timi thawngpang a len lio ah a tu ah Dr. Sa Sa nih phung ning tein NLD party chungtel lutnak a sawkmi ca a hung chuak than.

Cucaah Chin miphun cu lung awtawm in a kan umter ko. Dr. Sa Sa nih NLD chungtel lutnak a sawknak kong cu Salai Lairamthang nih a hmanthlak he a tanglei bantukin a tarlangh hi a si.

“Dr Sa Sa cu amah theih loin NLD Party nih Chin State NLD election campaign tuahtu phu ah an telh a tmi an um. Dr Sa Sa nih official tein NLD ah chungtel luhnak a sawkmi ca tha tein um ko. Thil dik hi ttih ding si lo. Thil dik lawng in teinak co khawh a si. Source le reference a ummi thawngpang lawnglawng zumh ding si.”

Dr. Sa Sa nih NLD Party chungtel sinak a sawkmi catlap tangbik ah U Aung Thang nih 28/07/2020 ni ah a cohlannak kong zong aa tial chihmi hmuh khawh a si.

Hi ti ning tein Dr. Sa Sa nih NLD party chungtel sinak a sawk i an cohlan tak ko ahcun ahcun NLD party nih Chin ramkulh ah teinak an hmuh khawhnak hnga Election campaign tuahtu ah Dr. Sa Sa an telhmi zong hi a si awk te a si ko.

Source: Salai Lairamthang