Tulio Yangon ramthen cozah nih Saya David Lah tazacuaimi cu Kawlram lawng siloin Kawlrammi umnak ramdang kip a hninh ko cang. Khrihfa kip nih Saya David Lah caah lungthat lo cio a si. Cu ve bantukin Chin miphun caah a ruahnak a thiamnak le a ngeihchiat tiang hmang in rian a tuan ve mi Dr. Sa Sa zong nih a lungthatlonak a langhter ve pinah Pathian bia in thazaang a pek ve.
A timi cu Ka dawtmi unau, hawikom le ka pastor, Rev. David Lah, Yangon i police nih na kut ah kutkhih an i khihmi ka hmuh cu ka celh ve hrim lo. Covid-19 ruangah sual puhnak le sual ngeilo sual tuahpiak mi nih a kan hrawk cikcek cang. mi tlawmu thleidannak hi upadi he aa tlak lo i cohlan khawh zong a si hrimhrim lo.
Ka dawtmi ka hawi, ka unau le ka pastor, kan zate in na caah thla kan in campiak, Pathian dawtnak cu kan caah a za, Amen. Tihnung muihnak chungah a bia in kan thinlung mei ceuhter than hna u sih. Matthai 5:11-12: Nannih cu ka zultu nan si ruangah mi nih an in nihsawhhna i an in hrem hna i lih a phunphun an in puh hnaa tikah, nan caah lunglawmh awk a va si dah! nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko.
Cu bantuk cun pei nan hlan i a rak ummi profet hnna kha ann rak hrem hna cu tiah a tial hi a si. Saya David Lah cu COVID-19 runvennak he pehtlaih in zulhphung a buar ti ruangah Yangon ramthen cozah nih taza a cuai i nihin ah a voikhatnak biaceih zung chuakpi a si i zarhhnih chungah a biaceihpiak ding a si lai tiah theih a si.
Leave a Reply