Atu lio ah Salai Van Bawi Lian bantuk mifim, cathiam, mino a si pin ah duhtlin rian a tuan liomi nih a siaremnak (comfort zone) chuahtak in ramkhel rian a luh mi hi ram le miphun caah biatak thlak in rian a tuan hrimhrim lai ti a fiang. Cucaah hi bantuk mino cu kan tanpi cio awk le kan dirpi ding hrim a si. (By Dr. Sui Khar)
Salai Martin Van Bawi Lian cu Thantlang peng, Pyithu Hluttaw MP aa cuh dingmi CNLD candidate pakhat a si. A cunglei bantukin Chin miphun nih bochan ngaimi Dr. Sui Khar nih Salai Van Bawi Lian a thangthatnak a tial i, a tanglei bantukin Pu Lian Uk nih a tial ve.
Salai Van Bawi Lian hi ramdang University in MA awng mi a si i, a pa zong hi Aibur khuabawi ah mizapi nih an thim i an thimmi Aibur khuabawi lak ah riantuan thawng le thil thei bik ah fak ngai mi a si. A pa Pu Lung Peng hringtu a pi Pi Dar Bil hi Aibur ramukbawi Pu Chia Khar fanu a si.
Catangsang awngmi le a hmuh tonmi tam in ramkip a kal mi a si pin ah rian lei ah hmuhtonnak tampi a ngeimi a si. Amah he Pu Siang Mang le Chinchin Pekthang hi Miphun caah kan bochan khawh ding hna an si. Kawl nih khin dar in ser mi thinghnah muisam a lo mi swe-lay ti mi khi, pura ah khin an thlai i mi nih cu dar thinghnah cu hnah sawhsawh cio ah an rel ko.
Asinain dar thinghnah cu a rin tik lawngah dar thinghnah ti an theih. Anmah pathum hi darthing hnah bantuk in harnak le bia pipa a chuah tik ah hawi zapi zaran nak in an ral an ṭha deuh, thil a thei kho deuh mi an si i, miphun caah dong-dongmie in rian a tuan ngam ding an si. By Pu Lian Uk (MP, 1990 Election, Hakha Tsp)
Source: Salai Van Bawi Lian
Leave a Reply