Dr. Tun Pua Chimmi Le Thil Kan Theihmi Aa Dang Tuk (+Video)

Thantlang Covid Committee Dr. TUN PUA Nih Ngandamnak Vuanci Sinah Report A Tialmi Chung In Char Chinmi: By Jacob R. Thawng

1. Covid phungning tein Myohelnak lam in thlanmual ah Minung 4 nih vui ulaw Cun Khrihfa phung in Pastor nih vui seh tiah kan ti hna nain ahohmanh nih Tuanvo lak in lehhmat an țhu lo.

2. Mithi hna chungkhar nih Lamkam ah vuinak nawl an kan halmi asi. An kan hal bantukin lamkam ah vuinak nawl kan pek hna mi asi.

3. Kawlholh i kan chimmi hi an i fiang lo, asiloah, an i theihpalh zong asi kho men.

Thil kan theih ning le Dr. Tun Pua report pekmi cu aa dang taktak. (Tha tein ngai hna hmanh usih).

A cunglei hi Jacob R. Thawng nih Dr. Tun Pua chimmi chung in a char chinmi mean  point 3 an si.

Atang video hi tha tein ngaih law Dr. Tun Pua nih zeitindah a chim timi na theih lai. Atanglei zong a chimmi chung in abiapi deuh ah ruahmi tlawmpal tial  chih  a si.

https://www.facebook.com/jacob.thang.942/videos/355158192494544/

Video laknak: Jacob R. Thawng

Dr. Tun Phua chimmi chung in cheukhat cu, “Ruak kong he pehtlaihmi catlap (documents) pawl a ka hmuhter dih. Nain Covid-19 zawtnak a um lo (a tliang ko) timi cafang aa tel lo. Myanmar Embassy nih zeihmanh thil siining an tialmi a um lo. Myanmar Embassy nih online in an tialmi cu “No Comment” tiah an tial.”

“Kei cu online in ca ka rel i No Comment an ti.Cucaah, ni caan thok in Malaysia zongah zawtnak a tam i Kawlram zongah zawtnak a tam lio si caah Chin ramkulh le Thantlang khuapi chung zongah harnak kan tong kho timi kan ruat caah hi kong harnak a um ahcun aho nih dah tuanvo a la lai ti bantuk kan ceih ti.”

“Kan ceih tikah, lutpi lo a si khawh lo ahcun, khuachung luhpi loin myohelnak lam in thlanmual ah direct in kalpi in, a ruak vuitu hna cu irunvennak thilthuam he minung 4 nih tuanvo lak  ding, chungkhat pawl Covid-19 sikan ning in ahohmanh kuttlaih lo ding, biaknak phunglam ning in Pastor nih thlacam piak kho ding le a dang mipi i pumhnak tuah lo ding ti pawl cungah aho nih dah tuanvo a lak kho lai kan ti tikah  ahohmanh nih tuanvo kan la kho lai an ti lo tiah a tial.”

“Ahnubik ah fahtuar chungkhar lei nih khualeng ah kan vui ko uh tiah nawlnak an tuah. Cucaah ruak vui ding ah Covid runvennak thilthuam he minung 4 tuanvo pek an si.”

A hnulei ah a chim rihmi cu, “Kawl holh an thei  lo caah si hnga maw, kanmah committee nih a lengah kan vuitermi a si lo” tiah a chimmi hrimhrim cu kan theih ning he aa dannak bik cu a si.

Leave a Reply

Your email address will not be published.