Duh Dawtnak Long Hi A Bia Pi Mi A Si Tiah A Lang Ter Mi Down’s Syndrome Couple

Relationship pakhat ah a bia pi bik mi cu duh dawtnak a si. Tu kan chan ah cu dawtnak fek ti mi hi a hnu ah a chan mi relationship hna hi an tam deuh cang. A si nain an I duh dawtnak a fek taktak mi zong an um ve ko ti mi cu hi hna couple nih hin an lang ter.

An nih pahnih cu Down’s Syndrome hna an si ko nain pakhat le pakhat an her mi bom chan ding in ral tha taktak in nung chung khuasa tti ding in bia chahnak an ngei. Mah kong hi Daily Mail nih a lang ter mi a si.

Kum 25 a si mi Heidi Crowter le kum 26 a si mi James carter han cu Britain ram mi an si i covid-19 zawtnak a um lio caan ah a thit um mi hna an si.An thit umnak puai cu a cozah nih thit umnak puai nan tuah khawh cang tiah an ti hnu july 4 nii ah khan Hillfields biak inn ah an tuah.

An thit umnak puai cu Social Distancing ning te in minung 30 nih an lawmh pi hna. Heidi nih kaa timh ning ban tuk a si lo nain philh kho lo mi ni le caan an si ko tiah a chim. Heidi Crowter le James carter hna an puai cu youtube in minung thong leng nih an lawmh pi ve hna. Crd; Shwemom.