Ram thanchonak caah loh theih lo a herh mi cu border trade hi a si.US economy thanchonak caah aa hngatchan mi cu tulio USMCA timi US le Mexico le Canada ram (3) komh in an tuahmi chawlehnak hnatlaknak khi a si.Hi nih an ram cio ah zeitluk in dah mipi caah rian an ser i zei tluk in dah an ram cio nih miaknak an hmuh timi neknok tiang cu ka tial rih lai lo.
Kan Chin ram cu vawleicung ah economy lei in pa (2) nak a si mi China le vawleicung ah thanchonak lei a rang bik mi India karlak ah a ummi kan si. Hi hi remcang ah kan hman thiam ahcun kan miphun pawcawmnak caah le thanchonak caah a kan letthal kho taktak mi thil a si.Cheery Zahau nih zahan interview an tuah lio ah border trade kongah CNLD policy ah ai tel ve nak a langhter caah Chin mipi caah thawngtha taktak a si.
Border trade kongah Manipur lei le Mizoram kaphnih ruah chih in Kalay Kyo ah Trade Center kan chiah lai a ti a herh mi a si.Kalay Kyo i border trade center chiah hi step pakhat nak ah ka ruah. Atu lio ah Mizoram le Assam cu ramri kongah buainak an tong. Hi buainak ah Mizoram caah a har bik mi cu an pawcawnak caah eidin thilri vialte cu Assam lei in luhpi a si tikah awlok chawngin an um. Hi bantuk lio caan ah Mizoram nih an unau a si mi Chinram lei in innka i awng seh law chawlehnak tuah ti an duhnak mipi hmurka tampi a lang.
Mizoram mipi lawng hlah!India cozah hrim nih Mizo le Chin cu unau nan si. Nan nunphung le nan biaknak ai khat i border trade nan tuah ahcun kaphnih miaknak a um lai tiah Chin MP Pi Za Tlem sinah thazang an peknak kong an rak chim bal cang. Hi ruangah border lam budget te hna an rak hal i tutiang NLD cozah nih kattaya lam zong an phah kho lo. Border trade kongah CNLD an ngeihmi policy hi Chin mipi nih rian rangin a theipar hmuh khawh mi policy a si i hmailei caansau a nguhmi policy zong a si.
Step (2) ahcun China nih India thil a duh.India zong nih China thil a duh ve. Hmailei pi tiang kan cuanh a si ahcun Rakhain ram hna a daih ahcun tilam in lam a awng te lai.Border trade ramri zong a kau deuh lai. Cutik ahcun a dang trade center cu Mandalay tiangah dirh chap in China le India karlakah kan nih hi Third Party bantukin chawlehnak kan tuah khawh mi a si.
Hi border trade kan hlawh tlin lawngah satil (livestock) zuatnak lei, Lothlawh cintlaknak (agriculture) lei ah zuarnak (market) kan ngei lai i kan hlawhtlin ding a si. USMCA chawlehnak hnatlaknak an tuahmi khi lothlo mi satil zuami caah dakaw hlawhtlinnak tamtuk a pek hna.
Cucaah Chin ram economy caah CNLD policy cu very smart a si i ka hal lai i cu cu kha kha kan tuah piak lai timi Chin ram NLD policy cu stupid policy a si.Stupid policy cu stupid lawng nih an i fiang. Smart mi caah cun lung fian a har tuk. Smart mi policy hi i thim in CNLD kan vote hna lai.
Keimah ruahnak ka tialmi a si i ruahnak ti ahcun ruah awk um dingin ka tial.
Credit: Salai Tin Maung Win
Leave a Reply