Laimi cheukhat nulepa cu fale cawmkennak caah rian kan tuan i a tha tuk. Nuleva in riantuan ahcun phaisa tam deuh hmuh a si i chungkhar thutdirnak ca’h zongah tha a dam deuh hrimhrim ko. Phaiasa tam deuh hmuhnak caah nuleva riantuan ahcun Laitlang lei chungkhar zong phaisa kuat deuh a si ko.
Asinain, nuleva kan pahnih in rian kan tuan tikah fale zohkhenhtu le cawnpiaknak caan kan ngei ti lo. Chungkhar caan hman tinak zong cheukhat cu kan ngei kho ti lo. Cu tikah fale nih zeidah an tuah i zei bantuk hawikom dah an ngeih timi hmanh kan thei kho ti lo.
A hnu ah cun cheukhat fale cu hawikom thatlo an ngei i ziaza thatlo an ngeih cang. Cu tikah kanmah nulepa lila kan ngaihchiat tertu le kan lungfah tertu ah an cang than tawn.
Cucaah, Phaisa kawl cu a tha nain fale zohkhenh le kilkawi zia zong thiam hna usih. Nu bik nih rian a tuan ahcun pa bik nih fale umpi hna sehlaw zohkhenh hna seh. Cu tin cun kan fale nun sersiam hna usih timi langhternak caah kan tuahmi a si.
Hi chungkhar fimchimnak video tawi ah lemcang a taunt hna cu, Min Sung Zi le a nu, Peng Hnin Thang, Hrang Tin Thang, Van Cung Thawng, le Sui Sui hna an si i hi Youtube Channel ngeitu Salai Ro Biak Lian nih “Nan cungah lunglawmhnak tampi ka ngei. Nan thiam tuk hringhran” tiah an chungah a lunglawmnak a langhter.
A tangah a video zoh ding tar chih a si.
Credit: Salai Ro Biak Lian (Youtube Channel)
Leave a Reply