Nizan ah “Fapa Sual Cu Hrintu A Pa Nih A Thah Taktak Cang” tiah tlangtar in Kawlpa nih a fapa a thahnak kong ka tial i ka post. Cu fapa sual kong he pehtlaih in “Pu Kio Hmung hlaphuahmi ‘fapa sual ngeihnak cha cun Zawngtah kung ngeih a tha deuh’ timi hla a ka theihter ngai” tiah tahchunhnak ka tial chih.
Cu Fapa sual ngeihnak cun zawngtah kungkhat ngeih a tha deuh timi hlaphuahtu cu Pu Kio Hmung si loin Dr. Sawm Hei tu a si. “Fapa sual ngeihnak cun zawngtah kungkhat ngeih a tha deuh” timi hla cu Dr. Sawm Hei nih 2005 kum February thla, Zokhua civui kal pah in Pu Ceu Tha te innchungah a phuahmi hla a si.
Cu ti cun Dr. Sawm Hei nih a phuahmi hla dawh kha Pu Kio Hmung nih a phuah tiah theih fiang loin ka tial i ka post sual caah hla phuahtu Dr. Sawm Hei nih na ka ngaihthiamnak lai zaangfah kan nawl.
Cu lawng siloin kan website a kan len i kan ca a kan relpiak tawntu mipi hna zong hi ka tial palhmi kan relter sual hna caah ngaihthiam kan hal fawn hna. Dr. Sawm Hei le kan website a kan lengtu hna nih kan palh sualmi nan kan theih piak thannak lai, hi website in ngaihthiamnak kan tuah thanmi a si.
Nizan ka tialmi thawngpang a tangah kan thil piak chih than hna.
Riantuan duh loin chungkhar ah lam phunphun in buainak a kawl tawntu an fapa cu hrintu a pa bak in namtong in a tuk i aa thah tiah theih a si. Thil sining cu nihin October 4, zanlei suimilam 6:40 pm hrawngah Paung myone, Zinkyaik myo, Khalauk inn sang, No. 4 area, Aung Thitsa lam ah a ummi lehtama U Aung Htin timi pa niih a chungchuak fapa Ye Min Paing (kum 25) cu namtong in a tuk i a thah ti a si.
U Aung Htin nih a chimh ningah a fapa hi chungkhar ah buainak a ser i phaisa a hal tawntu a si ti si. Tutan zong rian tuan duh loin tu bantukin chungkhar ah buainak ser in phaisa a hal than hna i a chungle nih an pek duh lo caah a fapa nih hrintu a pa cu a thongh i a pa cu a hmai a phing tiang a phing ti si.
Hmasa zong ah tu bantukin buainak ser in phaisa a hal tawntu an fapa cu hrintu a pa U Aung Htin nih namtong in a lu le a liang ah a tuk i Ye Min Paing cu a hliamhma he an inn hmai ah a thih in an hmuh ti asi.
Cu lainawnnak he pehtlaih in Zinkyaik Area police station nih Crime no. 55/2020, Upadi pohmah 302 ning in a fapa a thahtu Zinkyaik khua, Khalauk Inn sang um U Sai fapa U Aung Htin (kum 62) cu case an tuah piak tiah theih a si. Crd.
Leave a Reply