Mifim nih hringtu nu pakhat cu a cawnpiak tu saya zakhat he an i tluk an ti,Cu nih cun zei tluk in dah,Fa le caah nu le cu an rak biapi ti cu a lang ter. Elisabeth cu pathian a tthaanh ngaingai mi a si,A mah cu tlangbawi nupi long si lo in tlawngbawi Aaron hringsor fa a si fawn { luke 1;5 }.Amah cu a zungzal in pathian a tangtu a si nak le pathianhmai ah nun cantha in a nung i bawipa nawlbia vial te le phunglam vial te tlamtling te in a zulh mi a si { luke 1;6 }.Cu caah jesuh a chuah lai nak kong a thei hmasa tu nu a si.
Luke Cattial tu hi nupawl kong tam ngai ttial tu a si i Luke thawngttha chungah hin Elizabeth cu Sarah { Genesis 18 : 11 } le Hanah { 1Samuel 1-2 } bantuk in a cingmi a si nak fiang tein a langter.A pasal Zakhariah a holh kho lo nain an panih a chimduh mi tial te a theipiak hi Elizabeth khuaruahhar a si nak,zohchuntlak a si nak bik a si.Minung nih hin kan chim lo zong ah kan mithmai in maw kan si ningin maw,Kan duh lo mi,Kan duh mi kan lang ter mi a um theo.Cu cu i thei piak thiam hi pehtleihnak ah a rak bia pi ngainga mi a si.
Caantam pi ah cun nule va kar ah pakhat le khat i thei thiam lo ruangah aa har lo in nule va aai thenmi um theo ton a si.Nule va i tthen cang hnu ah cun Ca tlap pahnih kaw in senghmi then bantuk khi a si tiah,Thanlin Phetwin nih a ti.A kap hnih in an fak veve ko ti nak a si. Fanu Fapa ca lebang ah cun Hngaichia a luthlung in kechek tiang hluah in cheu mi baan tuk an si tiah Phetwin nih a chap chih. Nu le Va kar i thei thiamnak timi hna hi thilhme a lo nain minung kana i pehtleihnak ah a herh ngaingai mi thil kan phil sual lengmang mi thil an si tawn.
Johan cu Matthai 11 : 11 ah cun Jesuh khrih hrimhrim nih Johan cu nuhring fa vial te lak ah a ngan bik a rak ti kha hi fapa tha fa lianngan a hrin kho tu nu Elizabeth cu pathian hmai ah nuncan ttha in a nung i Bawipa nawl bia vialte le phunglam viaalte tlamtling te in a zulh mi a si.Mi toitor a si pin ah midang sining tuar ning a thei thiam mi,A pasal duhnak a hngalhmi si zong a fiang.
Cun a Sining a lungput a nuncan pathian aa bochan ning vialte kan nih a kan cawnpiak tu tthabik a si ko. Fapa ttha Fanu ttha tampi kan ram kan miphun lak ah an chuak khawhnak dingah tipilh pek tu Johan a nu Elizabeth bantuk nu ttha tampi kan ram kan miphun nih kan herh. By : SiangZi.
Leave a Reply