Hakha peng, Farrawn lei ah ralkap an ra timi thawngpang ruang ah Farrawn mino pawl khuachung ah an i pum hna, tiah khuabawi sin in kan theih. Hakha lei in Farrawn ah an rak ra timi thawngpang cu kan theih. Asinain, atu tiang cu an phan rih lo. Ralkap an rak phak sual ah tiah mino pawl an i pum hna,” tiah a chim. Aive khuami kan pehtlaih hna nain atu zaan sml. 11:00 tiang ah cun Aive khua ah ralkap a phanmi an um lo, tiah The Chin Journal ah an chim.
Nihin thawk in ralkap nih Internet Line a ngah lonak khuate lei ah kal hram an thawk hna. Nihin chun ah khan Hranhring khua zong ah an kal. Tu zaan ah Hakha in Mie peng, Aive khua lei panh in an kal an timi ralkap bu hi Farrawn lei maw an kal lai, Cinkhua lei ah dah an panh lai timi fiang in kan thei kho lo.Van Van & Min Cung,crd- The Chin Journal.
A dang relchap: Ramdang nih Kawlram an rak bomh lai timi ruahchannak ngei hna hlah u sih. Anmah le an ram cio an kilven lio a si caah hin Kawlram cu ca thanh chuah dah lo cu ral an dohpiak hna ding hi ruahchan awk a um lo. An kan bomh a si cun a sunglawi tuk lai.
US, Australia, Canada, tiin i bochan hna hlah u sih. Miphun dang an zuan hnawh hna nakah an ram ralkap nunnak tam tuk a liam cang tikah Kawlram kong ahhin cun an i thlak tuk te lai lo. Cucaah cun kanmah Kawlram mi tu hi a biapi bikmi kan si,crd-Nunu-NS
Leave a Reply