Pu Zo Bawi nih The Hakha Times ah a chimmi bia hi a hman lomi a si ti kha kan theihpiak hram uh. (By Salai Pa Thawng)
The Hakha Times nih Vol. 1, No. 1, November 02, cacawn nikhat ni ah chuahmi printed paper ah Pu Zo Bawi nih Aibur upa sinah ka hal i Pyituh ah Van Bawi Lian, Amyota ah Henry Van Thio, Pyine No. 2 ah Lungthlitum kan pek lai tiah an ka ti a timi bia hi lih a si.
Hihi Lautu le Zophei(Aibur) karah bia a kan tuahpiak( mee tthentthek) men ah a chimmi a si. Aibur ah hin Party pathum an um i a tlangpi in a thawngbik cu CNLD hi an si.
Nizan ah Aibur mino pawl zong nih CNLD thazang hmuhsaknak an tuah i Hnaring ah cycle 60 leng in minung 120 tluk Aibur Mino an kal i, Tisen A,B, Surngen, Sentung le Fanthen zong an sawm pah hna i an dihlak minung 260 leng an si.
Tutan thimnam ah cun kan khua Aibur ah cun CNLD a ttanhmi deuh lawngte kan si ko caah kan khua ah cun ka kawipa Salai Lungthlitum cu mee an pe hrim lai lo ti cu fiang tein ka chim ngammi a si.
Cucaah Pu Zo Bawi nih The Hakha Times ah a chimmi bia hi a hman lomi a si ti kha kan theihpiak hram uh. Credit: Salai Pa Thawng
Rel chih ding: Aibur khua in mee pe khotu dirhmun
2020 thimnak ah Aibur zong 31.10.2020 ni in mee sanh hram kan thawk ve cang. Aibur ah hin Mee Zung hmun hnih a um i Mee zung (1) ah me pe khotu 317 le Mee zung (2) ah 334, a dihlak fonh ah 651 kan si.
Atu lio zawtnak ruangah kum 60 cunglei Mee sanh ni ah a ra kho deuh lo ding hna kha Aibur Commision zungah ahlankan mee sanhnak nawl pek an si cang i 31.10.2020 ni in nihin tiang ah Mee Zung (1) in minung 26 le Mee Zung (2) in minung 34, a hmun hnih fonh ah minung 60 nih a hlankan mee an sanh chung cang. Mee cazin ning in Aibur ah kum 60 cung hi minung 110 an si. Credit: AIBUR YOUTH Organization
Leave a Reply