Tyron nih a fan pa pawl a ngamhmi pakhatkhat rak chuak uh law ONE by ONE in kan singkhaw hna a timi cu Maupin khuami pakhat nih a cohlan cang. Tyron cu nu lawng siloin pa zong nih an uar ngaimi le thazaang an pek ngaimi tu lio a lar ngaimi Minta pakhat a si.
Tyron cu Yone MTV kong ah biatak tein a soiseltu pakhat a si ve. Yone Lay a soiselnak kongah mi cheukhat nih Anuh-pinnyia-Tam cio cio in pakhat le pakhat hi tluk in i soisel hi a tha lo a titu hna an um pah caah Tyron nih mipi cu nan ka support lo zongah a poi lo rawl ka ei thiamthiam ko lai ti tiang in a mipi letnak a tuah than.
Atu ahcun Ye Min Naung timi Facebook account hmangtu nih Tyron singkhaw nak cu ka cohlan tiah Live Video a thlak hi a si. Mipi nih thazaang pe ruangah a hlawhtlingmi pakhat nih mipi nautat in bia a chim caah tu bantukin a singkhaw nak ka cohlan hi a si tiah Ye Min Naung nih a chim.
Tyron nih mipi lakah pakhatkhat rak chuak uh law, ONE by One in kan singkhaw hna a timi cu Ye Min Naung nih a facebook in a cohlannak live video a thlah ve cang. Ye Min Naung nih “Na kan singkhaw nak ka cohlan mi cu na cohlan ve a si ahcun zeitik caan paoh ah i phomh khawh a si. Puai dawh puai nuam zoh a si lai cu” tiah a chim cang.
Ye Min Naung nih a video tang comment box ah fianternak a tial chihmi cu “Keimah nih ahohmanh ka ti hnawh chanmi a um lo. Mipi a nautatmi ka duh lo caah a singkhawmi ka cohlan i a si. “Ka naule lakah pakhatkhat, zeitik caan paoh ah a ngah” a timi kha mipi aiawh in ka cohlanmi a si. Keimah cu Anuh-pinnyia Model ah aa zuam cuahmah mi ka si” tiaah a tial hi a si.
Tyron singkhawnak a cohlantu Ye Min Naung hi King & Queen Gym ngeitu maw, asiloah, cu kha hmun ah Gym a lami maw timi theih fiang a si lo. A pumrua cu a mak tak ve mi pa a si. Atangh a video zoh chih khawh a si.
https://www.facebook.com/100009158965705/videos/2640478882934051/
Ref: TTL; Video: Ye Min Naung
Leave a Reply