France Senator 150 Leng Nih NUG Cu Myanmar Phungning Cozah Ah Theihpi Ding In Min An Thut

France rampi runvennak ramleng lei pehtlaitu committee (Foreign Affairs Committee, Defense and Armed Forces) hruainak in June 30 ah Myanmar kong ceihmainak an ngei hna i, French Senator 150 leng nih NUG cu Myanmar phungning cozah ah theihpi ding in minsen an thut, tiah Dr. Sasa hruaimi Ministry of International Cooperation Myanmar nih thawng a thanh. Nihin biachahnak an tuahmi kong he pehtlai in French Senate ah ceihmainak le vote peknak an tuah tthan te lai. Crd- The Chin Journal

Ca dang rel chap: Suh Kyi Bantuk A Si Te Dingmi Ngakchia Nu, June 30, nizan i ralhrang nih an thlahmi hna lakah Mandalay ramthen Mogok khuapi i kum 5 ngakchia nute zong aa tel ve. A min cu Suh Htet Wine a si. A pa hi ralhrang thlahnak dingah biatak tein a cawlcangmi Ko Soe Htay a si. A pa bantukin kum 5 lawng a simi Suh Htet Wine zong lamzawhnak ah aa tel lengmang ve.

Ralhrang nih hin a pa tlaih an duh caah an inn cu an luhhnawh. Ko Soe Htay cu a um lo caah a nupi le a fanu pahnih cu an tlaih hna. June 30 ah Suh Htet Wine cu an thlah than nain a nu le a u tu cu an thlah ve hna lo. Ka fanu nih thong chungah rawl khim in kan ei lo, cun ek-inn hmanmi ti in kan i kholh tiah a chim. Zeidang cu kan hal zongah a chim duh lo. Lungthin zawtnak he nun caan a hmang lan sual lai ti ka phang” tiah a pa nih a chim.

Amah Ko Htay le a fapa pahnih hna tu cu ralhrang tlaih ding tih ruangah an i thup rih. A fanu Suh Htet Wine zong a himnak hmun ah a phan cang tiah a pa nih a chim. Kum 5 lawng a si rihmi ngakchia nute nih ralhrang uknak dohnak ah aa tel ve lengmangmi hi a upat tikah Suh Kyi bantukun ram hruaitu minthang a si te lai ti a langhtertu a si tiah ka ruah.crd- the chin post

Leave a Comment

Leave a Reply

Your email address will not be published. Required fields are marked *