FURY Fighting Championship Thongh Zuamnak Ah Joshua Van Bawi Thawng  Nih Thawn Man Taisomh A Ngah +Video

Ruan khua mi Joshua Van Bawi Thawng nih FURY Fighting Championship thongh zuamnak ah thawn man taisomh a ngah, Chin Ramkulh Hakha Peng, Ruan khuami USA khuasa Joshua Van Bawi Thawng nih FURY Fighting Championship thongh zuamnak ah 2021 June 27 (Myanmar caan) ah aa thong i thawn man taisomh pakhat a co tiah kan theih. Hi kong he pehtlai a uu nu nih, “Atu aa thongh hi teinak a hmuh tik ah kan i lawn.

Miphun hawi tha nan peknak ruang ah a si. Mah hnu ah UFC a luh khawh nakding aa thua rih lai. Thazaang rak kan pe cio hram ko uh,” tiah a chim. Joshua Van Bawi Thawng hi 2019 in biatak tein hi bantuk thongh zuamnak ah aa tel i teinak zong zeimawzat a kan hmuhpiak tu a si. Atu laksawng a comi hi Fury Amateur Series 34 ah champion a si. Crd- the hakha post

Note: Joshua Van Bawi Thawng nih FURY Fighting Championship thongh zuamnak ah thawn man taisomh pakhat a co nak video a si. Mah a link hi com/dawt.khun1213/videos/ hmenh piak law Joshua Van Bawi Thawng a thong lio video na zoh khawh lai.

Ca dang rel chap: A Poi Nak A Um Hnga Maw? NUG Nawlngeitu nih PDF le pengtlang hriamtlai phu pehtleihnak kan ngei lo/NUG nih kan theihpi hna lo an ti mi cu a dik k maw? Hei dik selaw teh,a tu hriamtlai pawl nih kan ral a si mi,ralhrang pawl an kahdohnak kong ah hin teinak le teilonak lam a um hlei in a um lo hlei hnga maw? Cun,an mah NUG nih an theihpi hna/an i pehtleih tik lawng ah maw kan ral a si mi ralhrang pawl cu hriamtlai phu hna nih an doh te hna hnga?

Biaknak lei kan pe le cehukhat hna nih le, kan mah thahding in a ra mi le kan nupi kan fa le hna le kan inn le kan lo hrawk dingin a ram mi hna cu,kan tei hna ah maw tei hna lo ah maw kan dironh hna hrimhrim awk a si i,kan dironh hna lo i kan zoh sawh ko hna ahcun, anmah ralhrang/kan ral bantuk khi kan sihnga,an ti fawn.

Cucaah,a tu kan ral,kan miphun lohdihnak le kan ram loh dihnak in khua a khaangmi le a kan that cuahmah tu hna hi,doh lo le an mah sin in kan i runvennak zeihmanh tuah lo in maw,NUG thawngthanhnak paoh cun dah kan kal rih hna ah hin,kan ram ca le kan miphun caah hin a that bik hnga?NUG hi an cawlcangh khawh ti lo caah a tubantuk hna hin an chim hna hi a sisual hnga maw tihna ruahawk ding in a um,thlacamnak in bawm ko hna usih.

A tang lei hna nih hin cun,a tu i hriamtlai phu pawl cawlcanghnak cu theihpi lo le an mah he kan i phehtlai lo ti a si an ti caah nan ruahnak a tthabik mi kan hrawmh cio dingin kan sawm hna. Crd- tin duh thang

Leave a Comment

Leave a Reply

Your email address will not be published. Required fields are marked *