Tu lio cu game nih mino deuh cu a lem cang hna timi cu kan thei dih cio ko lai. Mi cheuh khat labang cu an thutnak hmu in dir ti lo in caan sau pi a celh mi zong an um. Zei poh hi a luan tuk tiang in kan tuah a si ah cun zei poh hi kan caah a tha mi a um lo. Taluk ram ah hngakchia pa pakhat cu game a celh mi a sau tuk caah a kut thahri a thi tiah thei a si.
Mah hngakchia pa cu kum 15 a si i Xiaobin an ti mi a si. Xiaobin cu taluk ram Nanning khua pi ah khua a sa mi a si. Game a celh ruangah harnak a ton mi kong cu wardkfbuzz nih an langter. Covid-19 ruangah lockdown lio a si caah sianginn zong kar dih a si caah a mah a tuah a duh mi game cu din lo in le a inn khan chung in leng chuah ti lo in nii khat ah suimilam 22 chung bak game a celh peng ti a si.
A nu le pa zong nih kan fapa hi zei dah a tuah ti mi kha an ruah ve ti lo. A nu le pa nih cun kan fapa hi online in siang inn a kai ruah ti in an rak ruah. A nu le pa nih kan fapa hi online in a hawi lei he an I chawnh mi kan hmuh cun kan fapa hi tha te zong in a din bal lo nii khat suimilam 2 zong a it tioah an chim. Xiaobin cu tu hi siizung ah a thlop lio a si.
A kut hi a hlan ban tuk in a tha kho lai maw ti zong a fiang rih tiah Dr. Li nih a chim. Game celh tuk ruangah lung zawtnak le kan chiathat tiang zong a hrawk kho tu a si.
Leave a Reply