Korea lemcang thiam Goo Hye Sun nih a pasal Ahn Jae Hyun he an I then hnu ah a kong lam a chim mi cu kstarlive nih a tang lei ban tuk in an lang ter. Korea ram ah lemcang thiam minthang lei in a min a thang taktak ve mi le mipi nih an uar taktak mi Goo Hye Sun cu apasal he an I then hnu in rian tuan hram a thawk than cang tiah thei a si.
Actress Goo Hye Sun cu tu lio hi TEN STAR caah hmanthlak a chuah piak hna lio a si. Goo Hye Sun nih a pasal Ahn Jae Hyun he an I then hnu in a nun a thleng nak kong cu interview an tuahnak ah mah ti hin a chim. A hmasa bik ah a chim mi cu 14kg tiang a thau mi a zor nak kong a chim.
Tu lio cu diet hna ka tuah lio a si,zei ruang ti ah cun hlan lio ka pungsan ban tuk in si than ka duh caah a si. Cun din caan ngei lo in rian ka zuam cuahmah lio a si, ka thi hnu long ah ka din cang lai tiah a chim. Goo Hye Sun le Ahn Jae Hyun hi 2015 ah khan a rak i thei mi an si i, cun 2016 ah khan tthitum nak an rak tuah.
Cun kan hnu kum ah khan aa then than mi an si. An mah pahnih an i then nak a ruang hi, Goo Hye Sun nih ka pasal nih nudang a ka duh tak a ti i, October 24 ah khan i then ding in ca a chiah ruang ah aa then mi an si.
Leave a Reply