Good News: CNA Nih Hriamnam Tha Taktak Ngei Cg

CNA nih 107mm zenkhuan cawk dingin timh pengmi le cawk dingin an rak ngair pengmi Zenkhuan cu an cawk khawh cang. Hriamhrei zong ceilak cawkzalh chapmi zong a phan tiah theih asi. SAC ralhrang cu sumphomh in phomh an si cang lai tiah CNF minung pakhat nih lungmili Post ah achim. Hi 107mm Zenkuan a riantuan ning le a hmannak cu hnu ah kan van langhter te lai. Kan Miphun caah chawva nan thawhmi zong a herhnak hmunhma le a khurka ah a phan ko tiah.

Pu Daniel Sakhong nih a Facebook cahmai ah a ṭial. Kan Miphun kilkamhnak caah thawngchin in kan kal khawhnak kan ngeihchiah chawva in thazang chuah chinchin ko hna usih. Thawng dang relchap- Ramri Hngak SAC Palik 63 Bangladesh Ram Ah An Zaam Chap, Rakhine ramkulh ah SAC ralkap le Rakhine ralkap AA kar kahdohnak a fak i February 6 le 7 ni ah ramri hngak SAC palik 63 cu Bangladesh ram ah an zaam chap, a zaam mi chung in a cheu cu hliampu mi an si, tiah Bangladesh hrambunh Bangladesh Sangbad Sangstha (BSS) Media nih nizan February 7 ah an langhter.

SAC ralkap le AA kar kahdohnak ruang ah a luancia ni tlawmpal chung ah Bangladesh ram ah a zaam mi ramri hngak SAC ralkap, palik le Immigration zung rianṭuan mi le a zaam chap mi palik an zate ah minung 337 an si, tiah Bangladesh Sangbad Sangstha (BSS) nih an chim. Bangladesh ram ah a zaam mi SAC ralkap le palik pawl cu Myanmar ram ah kuat ṭhan an timh hnanak kong Bangladesh Foreign Ministry in ṭuanvo ngeitu nih a chim.

SAC ralkap pawl le zung rianṭuan hna cu vanlawng in Myanmar ram ah kuat ṭhan ding in fehter a si cang, tiah Turkey hrambunh AA Media nih cun an langhter. SAC ralkap pawl Bangladesh ram i an zaamnak kong he pehtlai in Myanmar-Bangladesh Ambassador cu Naypyidaw a phan cang i a rauh hlan ah SAC ralkap pawl cu Myanmar ram ah an kirter ṭhan hna lai, tiah ṭuanvo ngei pakhat nih a chim.

Leave a Comment

Leave a Reply

Your email address will not be published. Required fields are marked *