Kum 1989 ah Daw Aung Suu Kyi meithal kah timh in a rak hrocertu ralbawi hlun Gen. Myint Oo cu Covid-19 zawtnak a ngei i, ralhrang sii-inn ah tlopbul dingin ai zuam len nain a hlawhtlin lo caah a nunnak a liam. Covid-19 hrik a kai hnu tatmadaw ihnak 1000 tlum sii-inn a pehtlaih len hna nain, an cohlan lo caah a thihnak hi asi. A nupi zong July, 24 ah Covid-19 zawtnak in a nunnak a rak liam ve tiah theih asi.crd-the chin now.
Thawng pang dang relchap; Tamu TSG le SAC Ralhrang Kahdohnak ah Ralhrang 9 an Thi, Nizaan July 24, zaanlei sml. 4:15 ah Tamu mipi ralkap (Tamu Security Group-TSG) le SAC ralhrang karlak kahdohnak a chuak i SAC ralhrang minung 9 an thi, tiah TSG nih thawngpang an chuah.
SAC ralhrang tthiangtthunh Pyosawhti chungtel pawl nih TSG an umnak hmun lei ah SAC ralhrang pawl an kalpi hna i kahdohnak a chuah hi a si. SAC ralhrang hnuzul Pyosawhti pawl nih TSG kan umnak ah SAC ralhrang pawl an ratpi hna. Runvennak a tuahtu TSG ralkap he an i tong hna i, kahdohnak a chuak.
Kahdohnak ah SAC ralhrang lei in minung 3 an thi i hliamhma a pumi an tampi. Hliam a pumi chung in Pyosawhti chungtel pakhat, Manipur Kathe Tapung pakhat le SAC ralhrang 4 an thih chap caah an zapi minung 9 an thi,” tiah TSG nih nihin (July 25) thawngthanhnak ah an langhter.crd-The Chin Journal.
Leave a Reply