Kaya ramkulh (Kayinni) Demawhsu khua palik riahbuk cu Kayinni phu fonh nih doh in an lak khawh tiah khuachung thawngzamhnak nih an langhter. Kayinni ramkulh Loikaw-Demawhsu lam thluan ah ralhrang phu hna le Kayinni phu fonh hna cu nihin September 7,zaanlei ah kahdohnak a chuak, DawPoeSi khua,Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.
Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i zaanlei suimilam 7:00 tiang pehtlai in kahdohnak a chuak tiah theih a si.crd-the chin post.
Thawng dang relchap; CNDF nih Falam Bank Manager Meithal Kuan he Ralrin Peknak Ca an Kuat, Falam khua i Myanmar Economic Bank ah rian a ttuanmi Manager U Tun Myah Aye cu CNDF nih nihin ah meithal kuan khat he ralrin peknak ca an kuat.
Atulio kan ram har caan chung ah bank ah tangka a rak chuahmi Falam khuami pawl sin in amiak a hleihluat in na lak zungzalmi hi na ngol hrimhrim lai,” tiah ralrin peknak ah an ttial. Bank tangka chuahtu mipi sin in amiak na lakmi na ngol lo ahcun na nunhimnak ttuanvo kan la lo,” tiah an ttial chih. Crd-The Chin Journal
Thawng dang; SAC Bawmhnak Lak Lo ding in Thantlang Biaknak lei Upate nih Bia an Chah, SAC nih biaknak lei upate bawmhnak (18,000MMK) a pekmi hna lak lo ding in Thantlang biaknak lei upate nih nihin zinglei meeting ah biachahnak an ngei, tiah thawng kan theih.
Thantlang pastor pakhat nih, “Tuzing kha TCF rianttuantu dihlak le Thantlang peng huap in kan hruaitu hna he tonnak kan ngei hna i SAC laksawng 18,000 hi cohlan/lak lo ding in biachahnak kan tuah,” tiah a chim. Pastorte bawmhnak pek kong he pehtlai in Thantlang SAC nih mah hlan ah TCF an rak pehtlaih bal hna nain TCF nih an rak el hna,crd-The Chin Journal.
Leave a Reply